2013-12-24

June Tmg: Архи бол Чөтгөрийн Ундаа.

ХОЛБООС

12 хоногийн өмнө нэгэн найзын төрсөн өдөрт нөхрийн хамт уригдсан ба нөхөр бид 2 төрсөн өдөр дээр жаахан байж байгаад шөнийн 12 гэхэд гэртээ ирчихье хэмээн тохиролцов. 

Би сүүлийн 4,5 жилийн хугацаанд 2 хүүхэд гаргасан тул нэг бол жирэмсэн, нэг бол нялх хүүхэдтэй байсан тул архи дарснаас хол байдаг байлаа. Тэр тусмаа Гэрлийн өргөөнд элсэж Эзэн Хааны өдрийн тэмдэглэлийг уншсанаас хойш орой үдэш гэрээс гарахыг цээрлэж, шаардлагатай баяр ёслолд нэг хоёр хундага улаан дарс уудаг байлаа. Нэг үгээр 4,5 жилийн хугацаанд согтож үзээгүй байв. Гэтэл тэрхүү төрсөн өдөр дээр юм л бол улаан дарс уугаад л байлаа. Нөгөө өөрийгөө хянадаг цэнэдэг нь хаачсан юм бүү мэд. Хоолноос гараад бүжиглэцгээнэ гэж байна. Нөхөр бид ердийн үед баар цэнгээний газар огт орох сонирхолгүй ба орохоор хөгшин хүн шиг толгой эргээд нойр хүрээд байдаг.

June Tmg: ХЭМЭН БҮРХҮҮЛ ба УЛС ОРНЫ ХӨГЖИЛ

Эх сурвалж: Гэрлийн Өргөө груп

Дээдэс маань 1 сар гаруйн өмнө ХЭМЭН БҮРХҮҮЛИЙН ТАЛААР БИЧНЭ ҮҮ гэсэн байсныг уншаад  хэсэг хугацаанд бодож явлаа. Яг бичих гэхээр энд тэндээс хагас хугас уншсан, эмх замбараагүй мэдээллүүдийг тархиндаа эмхэлж чадалгүй л  байна . Хэмэн бүрхүүл буюу АУРАг улс орны хөгжилтэй холбож ХҮН, ӨРХ, УЛС гэсэн 3 түвшинд авч үзсэнээ  доор сийрүүлье. Зөвхөн өөрийн дулимагхан төсөөлөл төдий л юм шүү.

ХҮН

ХҮН хэмээгч нь эхийн хэвлийд бүрэлдэн бий болдог. Үр хөврөлийн ЗҮРХ хэмээгч цахилгаан соронзон долгион бүхий амь амьдралыг тэтгэгч агуу нэгэн эрхтэн маань бусад эд эрхтнүүдээсээ хамгийн түрүүнд ажиллаж эхэлдэг нь их сонирхол татдаг. Ингээд бодохоор 7 хүрднээс ЗҮРХЭН ХҮРД хамгийн түрүүнд ажиллаж эхэлдэг юм болов уу. Бусад хүрднүүд хэзээ ажиллаж эхэлдэгийг мэдэхгүй байна.
Ямар ч байсан хүн эх дэлхийдээ мэндлэх үед ТЭНГЭР ЭЦЭГ, ГАЗАР ЭЭЖ нь тосон авч хүн ТЭНГЭР ГАЗАРТАЙГАА холбогдсоноор 7 хүрднийхээ тусламжтай эх дэлхийтэйгээ холбогдож хүний нэгэн насны амьдрал эхэлдэг юм боловуу.

Хүн нь махан бие ба хий биеэс тогтдог Тэнгэрийн хамгийн онцгой бүтээл юм.                              ХҮН =МАХАН БИЕ+ХИЙ БИЕ

Махан биед араг яс, булчин, мэдрэл, дотоод шүүрэл, зүрх судас, амьсгалын эрхтэн, арьс, үс хумс ба бусад бүх эд эрхтнүүд байдаг.                    
МАХАН БИЕ= ЗҮРХ+ ЭД ЭРХТНҮҮД

Хий бие нь хүрд ба хэмэн бүрхүүлээс тогтоно.
ХИЙ БИЕ= ХҮРД +ХЭМЭН БҮРХҮҮЛ

Эдгээрийг нэгтгэвэл:
ХҮН= МАХАН БИЕ(зүрх+ эд эрхтнүүд)+ХИЙ БИЕ( хүрд +хэмэн бүрхүүл)

ХҮРД нь нар зөв эргэлтээр эргэлдэн хүмүүний биед эрчим үйлдвэрлэх, хүмүүний биеэс эрчим түгээх зорилготой юм боловуу. 7 хүрд нь өөр өөрийн хариуцах эд эрхтнийг хариуцаж, хамгаалж, хэмэн бүрхүүл  нь тэдгээр мэдээллийг  долгион маягаар цацрааж ба ХЭМЭН БҮРХҮҮЛ нь 7  хүрдний цацраасан өнгө, долгион, хэмүүдийн нийлбэр маягаар гэрэлтдэг байх.

Одоо цагт тусгай төхөөрөмжөөр хэмэн бүрхүүлийн долгион цацрагийг зураг болгон авдаг болсон билээ. Би өнгөрсөн онд аураны зураг авах БИО ЭНЕРГИЙН ШИНЖЭЭЧ гэдэг сургалтанд суусан юм. Хүмүүсийн хэмэн бүрхүүлийн зургийг авахад эвдрэлтэй хаалттай байгаа хүрдний ойролцоох аура нь багассан байх ба тэгснээр тухайн хүрдний хариуцдаг эд эрхтнүүд өвчилсөн байдаг.Харин жигд ажиллаж, зөв эргэж байгаа хүрдний ойролцоох хэмэн бүрхүүл том тунгалаг байх ба тэр хавийн эд эрхтнүүд эрүүл байсан.  Өвчлөл нь аураны өнгийг өөрчилдөг ба эрүүл хүний хэмэн бүрхүүл нь тунгалаг өнгөтэй жигд хэлбэр бүтэцтэй байсан. 

Зөв сэтгэх, зөв тэмүүлэх, зөв амьдрах нь хүний 7 хүрдийг тэгш хэмтэй ажиллуулж хэмэн бүрхүүл нь хүнийг гадна, дотны сөрөг халдлагуудаас хамгаална. Тиймээс ХЭМЭН БҮРХҮҮЛ БОЛ ХАМГААЛАЛТ байх. Ингээд бодохоор бид гэмтээд , сэвтээд байна гэдэг нь бид өөрсдөө буруу амьдраад хамгаалалтаа эвдэж байна гэсэн үг юм болов уу. Буруу амьдрах буюу ЖАМЫГ СӨРЖ амьдраад байна гэсэн үг байх. Хүн гэдэг нь  Тэнгэрийн хууль, Газрын хууль бүгдийг нь дагаж амьдрах ёстой байтал бараг Тэнгэр, Газар ч гэж юу байдгийг мэдэхгүй болсон цаг тул хийсэн буруу үйлдлийнхээ гэмийг үүрээд л, өвдөөд л, азгүйтээд л,бүтэлгүйтээд л, уурлаж бухимдаад л, харааж ерөөгөөд л явдаг болсон нь энгийн үзэгдэл болжээ. Их Монгол Улсын ИХ ЗАСАГ ХУУЛЬ нь ард иргэдийг Тэнгэр, Газрын хууль ёсыг чандлан сахиулдаг,  Байгаль эх дэлхийгээ хайрлахад сургадаг, хүнийг зөв бодолтой, зөв үйлтэй амьдруулахыг хуульчилсан аугаа их бүтээл байжээ.

7 хүрдний аль хүрд нь удирдагч нь юм болоо гэж бодоод байхаар ЗҮРХЭН ХҮРД НЬ УДИРДАГЧ гэж ойлголоо .
ҮНДЭС ХҮРД ээс ТИТЭМ ХҮРД хүртэлх зайны яг голд нь зүрхэн хүрд таарч байна. Мөн хүний өнгөрсөн, одоо, ирээдүйн  үйлийн үрийн мэдээлэл сүнсэнд хадгалагдах ба сүнс нь зүрхэнд байрладаг боловуу.
Тиймээс зүрх нь махан биеэрээ цусыг бүх биеэр түгээж хүмүүнийг амьдруулдаг бол хий биеэрээ өнгөрсөн одоо ирээдүйн бүх мэдээллийн АГУУЛАХ болж хором мөч бүрийн мэдээллийг хурааж, тэрхүү мэдээллийг бүх хүрд рүү түгээдэг байх.
Ямар ч хүн, хэн ч бай ТЭНГЭРЭЭС хэзээ ч мэдээллээ нуух аргагүй байхаар заяагдсан. Нэг үгээр бид зүрхэндээ тэнгэрээс өгөгдсөн CHIPCARDтай. Тэнгэр мэдье гэсэн хүнээ хаана, юу хийж, юу бодож явааг олж мэдэхэд ядах юмгүй гэсэн үг.  Сүнс хэзээ ч устахгүй тул мэдээлэл мөнхөд хадгалагдана.

ЗҮРХЭН ХҮРДЭНД БАЙГАА МЭДЭЭЛЛҮҮД БУЮУ ХАЙР ЭНЭРЭЛ, ГОМДОЛ ЦӨХРӨЛ,БАЯР БАЯСГАЛАН, ЗОВЛОН ГУНИГ, АТАА ХОРСОЛ , САЙХАН СЭТГЭЛ нь хэр их бага байгаагаас хамаарч ЗҮРХЭН ХҮРД гэрэл цацраах эсвэл гацаж эвдрэн бусад хүрднүүд ньУДИРДЛАГА аас ирэх мэдээллийн дагуу ачаалагдан ажилладаг боловуу.

ИХ ЭЗЭН ХААН маань ТЭНГЭРЭЭС бууж ирээд  Гэрлийн Өргөөний гишүүддээ хамгийн түрүүнд ЗҮРХЭН ХҮРДЭНД  нь эрчим буюу ХАЙР өгч биднийг засч эхэлсэн гэж боддог. ТЭНГЭР МОНГОЛ ГАЗАР дуудлага нь сүнсийг засдаг ба зүрхэн хүрдийг эмчилдэг юм байна гэж таамаглаж байна.

Тиймээс л бид аядуу тайван болж, уйламхай, уярамтгай ,аливаад илүү мэдрэмжтэй болж, эх дэлхий, эх орон, элгэн саднаа илүү ихээр хайрлаж эхэлдэг юм шигээ.

Зүрх сэтгэл нь хүмүүнийг чиглүүлж явдаг ба зүрх сэтгэл нь хөрсөн хүний сэтгэлд амьдралын гэрэл гэгээ байхгүй болно. Хүнийг засахын тулд хамгийн түрүүнд зүрх сэтгэлийг л засах, эмчилэх, анагаах хэрэгтэй. Зүрхийг хайраар л анагааж л болох боловуу.

ӨРХ

ӨРХ  = ХҮН+ ХҮН +ХҮН
Эцэг, эх, үр 3 аас өрх гэр үүснэ. Өрх гэр маань хүн өөрийн хань ижлээ олж, түүнтэйгээ үр удмаа үлдээн өсгөн бойжуулах  боломж билээ.

Өрх гэрийн хамгийн чухал зүйл бол ХАЙР юм.
Хайр бол  2 зүрх, мөн 2 зүйлсийн хоорондын тэнгэрлэг харилцаа юм. 
ХАЙР=ЗҮРХ+ ЗҮРХ

Зүрхэн хүрд эрүүл жигд ажиллагаатай байж гэрэл цацрааж эхнэр нөхөр 2 нэг нэгнийхээ хайрыг татаж, хүндлэлийг хүлээж байж бие биенээ хайрлаж, хүндэлж амьдардаг боловуу.

Эцэг эхийн харилцаанаас ӨРХ ГЭРИЙН ХЭМЭН БҮРХҮҮЛ үүснэ. Энэ нь өрх гэрийг хамгаалах хамгаалалт гэж ойлгож байна.

Өнөө цагт өрх гэрүүдийн салалт дээд цэгтээ хүрч байна. Өрх гэрийн хэмэн бүрхүүлийн эвдрэлийг салалт гэх боловуу. 2 хүн ойлголцоогүйн төлөө бяцхан үр хүүхдүүд амсах ёстой гэр бүлийн аз жаргалыг амсаж чадалгүй өсч байгааг харахад маш харамсалтай байдаг.

САЛАЛТ ЯАГААД ИЙМ ИХ БАЙНА ВЭ?
Бодоод байхаар нөгөө л зүрхэн хүрдтэй холбоотой санагдах юм. Энэ цаг үед зүрхэн хүрдийг жигд өв тэгш  ажиллуулна гэдэг үнэхээр боломжгүй зүйл.  
Бие биенээ хуурна, гомдооно, бие биендээ анхаарал халамж тавихгүй, мөнгө, карьерыг гэр бүлээс дээгүүр тавина.  Гэр бүлийн зохисгүй харилцаанд өссөн хүүхэд том болоод зүрхэнд хадгалагдах үйлийн үрийн мэдээллийн дагуу мөн л зохисгүй харилцаатай гэр бүл зохионо гэх мэтээр гинжин урвал яваад л байдаг боловуу. Одоо цагт жинхэнэ хайрыг эрхэмлэсэн, хайр халамж, аз жаргалаар дүүрэн гэр бүлийг олох гэвэл өвснөөс зүү хайхтай л адил болох. Салаагүй, үр хүүхдээ өнчрүүлээгүй л бол хамгийн үлгэр жишээч өрхийн тоонд орохоор болжээ. 

Миний бие Гэрлийн өргөөний гишүүн болохоос өмнө уур уцаар ихтэй, нэг л их яарсан, хэт зарчимч нэгэн байлаа. Яараад л, бага цагт их юм амжуулах гэж гүйгээд л, тэрэндээ цухалдаад л, эргэн тойрондоо хар эрчим үйлдвэрлэдэг байсан. Баргийн кино, дуунд уярж уйлна гэж байхгүй, хавын хатуу нэгэн байлаа. Нэг үгээр ЗҮРХЭН ХҮРД МИНЬ ХААЛТТАЙ байлаа. Энэ нь амьдралд маань яаж мэдрэгддэг байсан бэ гэвэл нөхөртэйгээ ерөөсөө ойлголцож чаддаггүй байсан.  Хэрүүл хийгээд, салж нийлээд байхгүй ч цаагуураа бидний дунд нэг хана байх шиг санагддаг байсан. Тэрхүү ханыг нураах гэж хичээвч 2 уулаа наанаа инээвч цаанаа ямар байгаа нь мэдэгдэхгүй л явж байсан. ТЭНГЭР МОНГОЛ ГАЗАР дуудлагаа хэлдэг болсоноос хойш  сэтгэл маш их уужирч эхэлсэн. Урт амьсгаа авах шиг болсон. Аажим аажмаар аядуу болж эхэлж л байна. Гоё дуу сонсоод мэлмэртэл уйлдаг болсон нь их л сонихон. Уур уцаараа гаргах дургүй болсон ба аливааг уучилж өршөөхийг чин сэтгэлээсээ хичээдэг болсон. Нөхөр бид 2 ын харилцаа өдрөөс өдөрт амьд, эрчимлэг болж байгаа нь мэдэгдэж байна.

Өөрийн туршлагаас харахад өрх гэрийг засахын тулд хүнээ засах буюу эцэг эхчүүдийн зүрхэн хүрдийг эмчлэх хэрэгтэй байна. Эцэг эхийн зүрхэн хүрдүүд ХАЙРААР эмчлэгдэн нээгдсэнээр гэр бүл амар тайван болж хамгийн гол нь үр хүүхдийн минь зүрхэн хүрд нь өв тэгш, хайраар бялхаж өсөх юм. Үр хүүхэд энэ хорвоогийн хамгийн эрхэм нандин, үнэтэй зүйл болох ХАЙРЫГ өвлөн авснаар түүний ирээдүй гэрэлтэй байх нь гарцаагүй боловуу. 


УЛС 

УЛС =ӨРХ +ӨРХ + ӨРХ
ӨРХ  = ХҮН+ ХҮН +ХҮН
ХҮН= МАХАН БИЕ(зүрх+ эд эрхтнүүд)+ХИЙ БИЕ( хүрд +хэмэнбүрхүүл)

Улс орон гэдэг маань өрх гэрүүдээс бүрдэх ба өрх гэр нь хүмүүсээс бүрдэж хүн нь махан бие ба хий биеэс тогтоно.
Хүн нь өөрийн хэмэн бүрхүүлээ үүсгэн, өрх гэрийн хэмэн бүрхүүл нь өрхийн гишүүдийн хэмэн бүрхүүлээр үүсгэгдэн, улс орны хэмэн бүрхүүл нь өрх гэрүүдийн  хэмэн бүрхүүлүүдээс тогтоно гэж дотроо төсөөлж байна.

Ингээд хөөгөөд бодохоор тухайн орны хүмүүсийн аж байдал, сэтгэл санаанаас тухайн улс орны байдал тодорхойлогддог санагдаж байна. Өнөөдөр Монгол улс маш дорой байна гэдэг нь бидний зүрх сэтгэл хайраар ядмаг, гэрэл гэгээгүй, ёс суртахуунгүй байгаагийн илрэл юм боловуу . Тэгвэл УЛС ОРНЫ МААНЬ ХЭМЭН БҮРХҮҮЛ ХАМГААЛАЛТГҮЙ байгаа юм байна.Тэгээд л гадныхан биднийг дээрэлхэн, авья гэсэн аваад л яваад байгаа бололтой.

Нэг айлд хулгай оржээ гэж бодъё. Айлын юм хулгайлсан хулгайчийн мэдээж буруу. Бас гэрээ эзэнгүй, цоожлоогүй орхисон айлын буруу.Тиймээс бид гадныхныг буруутгалаа гээд өөрсдөө засрахгүй, өрх гэрээ засахгүй, улс орноо мандан бадраахгүй бол байдал хэвэндээ л байх боловуу.

Улс орноо хөгжүүлэхэд шууд л ард иргэдийг гэгээрүүлнэ гээд л ном судар уншаад л, Тэнгэр тэгсэн, Тэнгэр ингэсэн гээд л зөвхөн ном, ёс журам яриад нэмэргүй юм байна.

Эхлээд ард иргэдийн зүрхийг хайраар дүүргэж, эвдэрхий цоорхойг нь нөхөж, амьдралын хатуу хүтүүд итгэл алдарч урагдаж, гэмтсэн зүрхнүүдэд итгэл найдвар урам зориг өгөх ёстой юм байна. Өлсгөлөн хүнд ном заавал яагаад ч ойлгохгүй шиг хайраар дутсан зүрхэнд гэгээрэл ярьвал амны гарц болно. Тиймээс эхлээд зүрхэнд хоолыг нь буюу хайрыг өгч байж л, зүрхийг дүүргэсэн цагт зүрх өөрөө өөрийнхөө замыг чиглүүлээд, аяандаа гэрэлтээд явах боловуу.

Тэгэхийн тулд бид өөрсдөө л эхэлж ИХ ЭЗЭН ХААНЫХАА ИВЭЭЛ ДОР өөрсдийгөө засаж, мууг тэвчиж, зүрхээ уучлал өршөөлөөр эмчилж, зүрхээ ухаарал, хайраар дүүргэж, зүрхнээсээ гэрэл гэгээ цацруулах хэрэгтэй юм байна.Тэгээд дараа нь мэдээж ӨВГӨДИЙН ОЮУНЫ ИХ ӨВ өөс суралцаж гэгээрэлд зоригдож улсаа хөгжүүлэхийг зорих хэрэгтэй боловуу.

Хүмүүн бүрийн зүрх сэтгэл засагдаж, өрх бүлүүдийн харилцаа батжиж, айл өрх бүрээс бяцхан үрсийн аз жаргалтай инээд цангинаж,  иргэн бүр гэгээрэлд зоригдож, Хөх Монгол маань мандан бадрах болтугай! 

ТЭНГЭР МОНГОЛ ГАЗАР 

2013-11-21

ЦӨМГҮЙ ИРЭЭДҮЙН ТӨЛӨӨ ХАМТДАА


ЦӨМГҮЙ ИРЭЭДҮЙН ТӨЛӨӨ ХАМТДАА

Манай хуудсыг уншиж, харж байгаа бүх Монголчуудынхаа амар мэндийг айлтгаж байна. Бидний эх орон Монголд Уран олборлох, Цөмийн хаягдал булшлахын эсрэг дуу хоолойгоо нэгтэж  "ЦӨМИЙН ХАЯГДАЛ, ЭСЭРГҮҮЦЭЖ БАЙНА" уриа бүхий "шар тууз"-ыг өөрийн зургандаа наан бидэнд илгээсэн бүх хүмүүст талархлаа.

2013-11-07

Түмэн Онгодын Чуулган ном унших татах



Гэрлийн Өргөөнөөс 2012 оны 12 сард гаргасан Түмэн Онгодын Чуулган номыг блог уншигчдад танилцуулж байна.

Номын нэр: Түмэн Онгодын Чуулган
Зохиогч: Аянгат удган / Өндөр Дээд Буурлуудын айлтгалыг улаачлан дамжуулсан Аянгат, Байгал, Утаа, Ундрахуй удган/
Хэвлэгдсэн огноо: 2012.12.10
Хэвлэсэн тоо: 1000ш
Хуудасны формат: А5
Хуудасны тоо: 172

Түмэн Онгодын Чуулган номонд Эзэн Богд Чингис Хааны 4 айлдвар болоод Түмэн Онгодын Чуулганы талаар Өндөр Дээд Буурлуудын айлдсан айлтгалуудыг нэгтгэн оруулсан. 

Номонд орсон айлтгалууд Аянгат удганы блог болоод Тэнгэр Монгол Газар блогт өмнө нь хэсэгчлэн нийтлэгдэж байсан бөгөөд Чуулган болохоос өмнө оролцогчдод зориулан нэгдсэн мэдээлэл өгөх зорилгоор Буурлуудын чухал айлдваруудыг нэгтгэн ном болгож хэвлүүлсэн нь энэ билээ.

2013-11-06

2013.09.29. Гэрлийн Өргөөний гишүүд Аянгат удгантай хийсэн уулзалтын тэмдэглэл


Бичсэн: June Tmg
Кирилл рүү хөрвүүлсэн: http://daichinxvv.blogspot.com
2013 оны 9 сарын 29 -ний өдөр Их Аянгат удган Гэрлийн өргөөний улаач биш гишүүдтэй уулзахдаа ярьсан зүйлүүдээс ирж чадаагүй гишүүдэд хэрэгтэй болов уу гээд түүвэрлэн оруулая. Буруу бичсэн зүйлс байвал өршөөгөөрэй. Зарим тоо болон нэрийг нууцлав. 

Уулзалтын талаар
Засал хийнэ гэсэн зар тавихад маш олон хүн ирдэг. Жишээ нь 50 хүн бүртгүүллээ гэхэд урдаа нэг хойноо нэг хүн нуугаад ороод ирэхэд 150 хүнд нэг өдөр засал хийх болдог. Тиймээс энэ удаагийн уулзалтын зарыг онцгойлон засал хийхгүй гэж байхад хүрэлцэн ирсэн та бүхэнд баярлалаа. Би одоо маш их юм бичиж байгаа тул эрчим энергээ ном судартаа зарцуулах ёстой юмаа. Тиймээс огт засал хийхгүй. Засал хийлгэх хэрэгтэй хүмүүс нь Хурцаа зайран, Зөвлөх удган нартай уулзаарай. Одоо маш их түүх, судруудыг бичиж гаргах тул улаач биш ч гэсэн туслах хүмүүс хэрэгтэй байна. Ер нь дэмч байх ёстой ба улаачдаас... дэмч гарсан ба одоо .... дэмч дутуу байна. Та нараас гарч ирэх байхаа.

2013-10-04

Бөөгийн Их Хөлгөн Судруудын тухай ФМ ярилцлага. /Дүрсжүүлэв/


Их Хөлгөн судруудын тухай ФМ-ийн ярилцлагыг дүрсжүүлэн олонд хүргэж байна.
Тус ярилцлагаар Судруудын товч танилцуулга, агуулга, хэрхэн яаж бүтсэн тухай өгүүлнэ.
Аудиог татаж авах бол энд дарна уу. Судруудын танилцуулгыг унших бол дор толилуулав.

2013-07-31

Бид яагаад Оюутолгойн орд газрыг ашиглаж болохгүй вэ? /2/



Эх сурвалж: ГЭРЛИЙН ӨРГӨӨ.
Нийтлэгч: Луу Мичид

Дэлхий маань 24 цагт нэг удаа тэнхлэгээ тойрон цагийн зүүний эсрэг эргэдэг. Ингэж эргэснээр дэлхийд өдөр шөнө ээлжилнэ.

2013-07-18

Бид яагаад Оюутолгойн ордыг ашиглаж болохгүй вэ?

Бид яагаад Оюутолгойн ордыг ашиглаж болохгүй вэ?

 Монгол Тэнгэр Үнэн төрийн бус байгууллагын гишүүд бид энэ ордыг хаах ёстой ноцтой шалтгаан болоод бодит үндэслэлийг нь тайлбарлан ухааруулахаар дараахь мэдээллийг та бүхэнд толилуулж байна.

2013-05-21

Хатан Ноён Үрийн заяаг тэгшлэх Хас Их Тахилга ХарХорин хотноо болов



Хатан Ноён Үрийн заяаг тэгшлэх Хас Их Тахилга ХарХорин хотноо болов

Гэрлийн Өргөөнөөс 2013 оны 5 сарын 18-ны өдөр Их Монгол Улсын эртний нийслэл Хархорин хотноо /Өвөрхангай Хархорин-д/ “Хатан Ноён Үрийн заяаг тэгшлэх Хас Их Тахилга”-ыг үйлдлээ. Тахилгын зорилго, үр дүнгийн талаар Хар Соно зайрангийн буурлын айлдсан айлтгалыг та заавал уншина уу. Энэ айлтгалыг уншиж байж Тахилгын утга учир мөн чанарыг бүрэн ойлгох юм.

2013-05-20

Хархорины тахилгын талаар Хар Соно зайрангийн буурлын айлдсан айлтгал



4 сарын 13ны хээрийн бѳѳлөѳн дээр Хар Cоно зайрангийн буурлын Хар Хорины тахилгын талаар хэлсэн айлтгалыг Тэнгэр Монгол Газар блогийн уншигчдадаа хүргэж байна.

Айлтгалыг сийрүүлсэн: Гэгээрэл Монгол

Урдаар та нар хийх үйлээ тунгаан бод
Толидон мэлмийдэн харах учиртай
Тэгэмгүйгээр ѳвгѳд бидний айлдсан хэдэн тоонд баригдаад
Болж л ѳгвѳл ѳѳрсдийгѳѳ дотор нь оруулчих гээд
Тэгэж мунхаглахын оронд
Үйл хэргийн үнэн мѳнийг ухаажин явбал дээрсэн дээ

2013-04-24

Тэнгэрийн Заадас улаачийн "Гэрлийн Өргөөний Улаачдын булан" дахь бичвэрээс...


Өнөөдөр ажил дээрээ мануухай хийх янзтай сууж байтал зүгээр суухаар гээд блогтоо жаахан юм бичихээр шийдэв. Гэтэл намайг юм бичүүлсэнгүй Дээдэс дайраад л ороод юм. Өргөөний улаач нарт л хандаад хэлээд байхаар нь энд орууллаа.... 

Өнгөрсөн хугацаанд туулж өнгөрүүлсэн бүхэн маань Дээдсийн сургаал байлаа 

Чуулганаас хойш 4 сар өнгөрчээ. Энэ хугацаанд бүх улаач нар сорилд орж өөр өөрийн Дээдсүүдийн сургах үйлээр замнаж яваа билээ. Энэ хугацаа 5 сарын сүүлээр дуусах бөгөөд яг л тэр мөчөөс улаач нар маань өөрсдийгөө өөрчлөгдсөнийг , өмнөх чи биш болсныг олж харж чадна. Бас өөр олон зүйл өөрчлөгдөх ч хүн бүр адилгүй шидэнд суралцсан байх болно. Энэ нь тухайн улаачийн энэ замбад махан биеийг олж төрөөд хийх гэж зорьсон үйлтэй нь холбоотой бөгөөд зарим зүйлийг чадахгүй байгаадаа гутарч бусдад атаа тээлгүй өөрийн эрдэмд шамдвал энэ замбад хүн болж төрөн хийх үйлээ дүүргэхэд дэмтэй. Махан биений хөрстөд өнхрөх нь хугацаатай тул юун түрүүнд улаач бүр өөрийн хийх ёстой үйл үүргийг олж танин мэдэж түүндээ илүү шамдаж орохыг хүсч байна. Бүгдээр хамтдаа хүчтэй ч бүгдээр хамтдаа үргэлж нэг үйлэнд зүтгээд байвал бусад зүйлсийн тэнцвэр алдагдах, бусдад хялбар дийлдэх аюул байдаг. Тиймээс улаач бүр 5 сарын дунд үе хүрэхэд өөрийн шидийн онцлогийг олж мэдэж түүнийгээ барин хөгжүүлэхийг хүсэж байна. 

2013-04-23

МЯНГАН ЖИЛД НЭГ УДАА ТОХИОХ ТҮМЭН ОНГОДЫН ЧУУЛГАНД ОРОЛЦСОН ТЭМДЭГЛЭЛ


Блог уншигчдын энэ өдрийн амар амгаланг айлтгая. Дуулин блогтоо юм бичилгүй нэлээд хугацааг өнгөрөөчихжээ. Цагийн сайханд завтай чөлөөтэй үедээ дуртай зүйлээ бичдэг байсан би Гэрлийн Өргөөтэй холбогдсоноос хойш л зав чөлөөгүй болr сүүлдээ блогоо ч бичиж амжихаа байж.

Гэхдээ блог бичээгүй хугацаандаа олон хүмүүстэй нэгдэн нийлж олон чухал ажил хийж өдөр хоногийг завгүй өнгөрүүлсэн. Түүний нэг нь болох Түмэн Онгодын Чуулганы талаарх сэтгэгдлээ та бүхэндээ хуваалцах гэж буйг болгооно уу.

2013-01-15

Сувдан Сондор: Тэнгэрийн Лүндэн


Тэнгэр Монгол Газар блог уншигчдын амар амгаланг айлтгая. Гэрлийн Өргөөний Улаач Сувдан Сондорын Гэрлийн Өргөө фэйсбүүк групт бичсэн цуврал нийтлэлийг нэгтгэн та бүхэндээ толилуулж байна. Та бүхэн доорх нийтлэлээс нэгийг ухаарч хоёрыг тунгаан оюун бодолдоо ухаарлыг шингээнэ буй за. /Жич: гарчигийг өгөөгүй байсан тул блогийн админаас гарчиг өгөв/

Сувдан Сондор: Тэнгэрийн лүндэн
/
Амар байна уу Гэрлийн Өргөөнийхэн минь. 

Та бүхэндээ шинэ оны мэнд дэвшүүлэхийн сацуу өөрт тохиолдсон нэгэн сонин түүхийг сөхөн Тэнгэрийн лүндэн бууж, Тэнгэрийн сорилд орсноо та бүгдтэйгээ хуваалцахаар шийдлээ. Түүх гэж дээ ердөө л саяын долоо хоногт болж өнгөрөн өчигдөр л гэхэд Эрлэгийн шулмас болон зовлон шаналалд автсан нэгэн охины хар муу болгоныг нь хуу татан хамж Эрлэгийн тамын тогоо руу илгээн, хоригдсон онгоуудыг нь чөлөөлөх сонин үйл хийснээ та бүхэндээ илүү үгээр нуршилгүй, элдэв санааг нь алдагдуулалгүй түүх яаж эхэлснээс нь үйл яаж дууссан хүртэл хүүрнэн өчье.

2013-01-04

Болор бон: Түмэн Онгодын Чуулган



ТҮМЭН ОНГОДЫН ЧУУЛГАН

эх сурвалж: http://erhshar.blogspot.com/

2012 оны 12 сарын 21-ний морин цагаас 22-ны өдрийн луу цаг хүртэл үргэлжилсэн Түмэн онгодын чуулганд оролцож ирээд юу болсон тухай бичихсэн гэж бодсоор өдий олон хоног өнгөрүүлчихэв. Амралт, ар гэр, баяр, ажил төрөл гэсээр бараг л хоёр долоо хоногийн хугацаа өнгөрчихсөн байна шүү. Цаг хугацаа гэдэг улам л хурдлаад байх шиг санагдах юм...

2013-01-02

Түмэн Онгодын Чуулган /видео/



Түмэн Онгодын Их Чуулган 2012 оны 12 сарын 21-22-нд Төв аймгийн Эрдэнэ сум, 13р зуун Бааз дээр болсон. Дэлгэрэнгүйг: www.tengermongolgazar.blogspot.com

Түмэн Онгодын Чуулган /зураг/


Түмэн Онгодын Чуулганы үеэр авсан зурагнуудыг ТМГ блогийн уншигчиддаа толилуулж байна.  Түмэн Онгодын Их Чуулган 2012 оны 12 сарын 21-22-ний өдрүүдэд Төв аймгийн Эрдэнэ сум, 13р зуун Бааз дээр болсон. Дэлгэрэнгүйг: www.tengermongolgazar.blogspot.com

Зурагчид: Эрдэнэбаяр, Мөнхбаяр

Зургуудын тайлбар болон бусад дэлгэрэнгүй зургуудыг Гэрлийн Өргөө груп, Чингисийн Монгол Хуудас, дараах линкээр орж үзнэ үү.

http://www.facebook.com/groups/Chingis/

/ЗУРГАН ДЭЭР ДАРЖ ТОМООР ХАРНА УУ/

Түмэн Онгодын Чуулганы тухай сэтгэгдэл





Amar baitsgaana uu? Gerliin ergeeniihen mini. Gegeerliin shine myanganii gal haluun mendiig hurgeye. Tumen Ongodiin Chuulgand bid 1000 galaa ogt taslasangui, hengeregiin duugaa ogt taslasangui gaihamshigtai tevcheertei, setgeltei baij diillee. Setgel zurh, itgeleeree oroltsson niit ulaach tushee nar, gal manasan tumen olondoo chin setgeleesee talarhlaa. Tend ulden hog tseverleh, yumaa tsegtselj bui Hamgiin suuliin hed maani margaashdaa ireed chuulganii uil ajillagaa alban jurmaar duusna. Tend tsuram hiilgui gal manasan gaihamshigt humuustei taniltsaj uulzmaar bna. Uneheer gaihaltai baij uilee hiin zavgui baih bidend ih Dem bolloo. Suuld ch humuus nemegden irj tuslaj baisan. Men shene eeriin husleer porter mod avaachij egsen hun holboo barina uu. Iim gaihamshigtai olon hun bailaa. Yalanguya goliin tuudeg bolon gurvaljingiin tuudguudiig mash sain demjij egsen humuus tuun dotor neg emegtei baisan ter hund ontsgoilon talarhlaa. Ter uyed uil hiij bsan uchraas yarij ch amjsanguid ersheegeerei. Bilet maani hoishilson uchir edgeer humuustei uulzah huseltei baigaag bolgoono uu. Naran shingehdee yamar tom bolov, shene Saran gal ulaan bolov, egleen narnii tungalag tsev tsever terh, Tenger etseg bolon 99 Tengeriin terhiig harj chadsan mash olon hun baisand uneheer ih gaihlaa. Uneheer Mongolchuud bilgiin melmiitei ni gartsaagui unen baisand ih setgel dogdolloo. Huitnees halshralgui, noirgui shenejin ajillasan ta buhnee hundetgen mehiiye. Ulaach nar maani ch tesver tevcheeriin gaihamshgiig haruulj chadan evteigeer zorilgoo biyeluulsend ihed talarhlaa. Bugd l chadlaaraa oriltsloo. Tsaashid hiih ajil ih uchir ulaach nar hicheen zutgen Ongoduudtaigaa saitar ajillah heregtei. Eersdiigee erdmeer tseneglen tsagaan setgel, tevcheer, busdiig hundleh uhaand suraltsan hicheetsgeegeerei. Shine myangan dengej ehlej bna. Demchid bolon gegeerliig tugeeh mash ih uil baigaag martaj bolohgui. Heh Mongol mini mandan badrag shine myangandaa. Tenger Mongol Gazar

Unlike ·  ·  · December 24, 2012 at 9:02pm via mobile

Түмэн Онгодын Чуулганы үр дүнгийн тухай Эзэн Хааны айлтгал



ТҮМЭН ОНГОДЫН ЧУУЛГАНЫ ҮР ДҮНГИЙН ТАЛААР

Түмэн онгод нь чуулгаа чуулж
Төгөлдөр энэ дэлхийгээ
Гэрэл гэгээгээр түгээж
Бяцхан Гэрлийн Өргөө нь
Дэлхийн дайтай өсөж
Гэрийн онолт харилцаа
Түмэн ардыг жаяглаж
Түүхт Их У лсаа дахин мандааж
Эл чуулганд орсон
Эрдэнийн балчир үрсүүд  нь
Сэтгэл зүрхээрээ
Эх Дэлхийгээ аварлаа

Төгс бадрах: БОЛЗООТ ӨДРИЙН ТОВТ ГАЗАРТ өнгөрүүлсэн өдрүүд минь


БОЛЗООТ ӨДРИЙН ТОВТ ГАЗАРТ 

өнгөрүүлсэн өдрүүд минь

Түмэн онгодын чуулган болох өлзийт газар байрлаж бэлтгэл ажлыг хангахад болон тэнд баригдсан АРАВТ-уудын гэрийн харуулдах улмаар шинэхэн боссон миний мэтийн улаачид дээдэс буурлуудаа хүчийг авахуулж эрчимжүүлэн улмаар ИХ ҮЙЛ оролцоход улаачийн ДЭМ- ээ өндөр буурлуудаа өгөх зэрэг олон олон үйл давхцуулан 2012 оны 11 сарын 24 ны Бямба гарагт Улаанбаатар хотоос зүүн тийш 85 орчим км-ийн зайд 13 зуун жуулчны баазын урд хөндийд болзоот газарт Баттулга, Баянмөнх нарын хамт буурлуудын хуяг хэрэглэл болон хувийн ачаа сэлтийн хамт хүрэлцэн очив. 

 
ТЭНГЭР МОНГОЛ ГАЗАР