June Tmg: Архи бол Чөтгөрийн Ундаа. ~ Тэнгэр Монгол Газар

June Tmg

ХОЛБООС

12 хоногийн өмнө нэгэн найзын төрсөн өдөрт нөхрийн хамт уригдсан ба нөхөр бид 2 төрсөн өдөр дээр жаахан байж байгаад шөнийн 12 гэхэд гэртээ ирчихье хэмээн тохиролцов.

Би сүүлийн 4,5 жилийн хугацаанд 2 хүүхэд гаргасан тул нэг бол жирэмсэн, нэг бол нялх хүүхэдтэй байсан тул архи дарснаас хол байдаг байлаа. Тэр тусмаа Гэрлийн өргөөнд элсэж Эзэн Хааны өдрийн тэмдэглэлийг уншсанаас хойш орой үдэш гэрээс гарахыг цээрлэж, шаардлагатай баяр ёслолд нэг хоёр хундага улаан дарс уудаг байлаа. Нэг үгээр 4,5 жилийн хугацаанд согтож үзээгүй байв. Гэтэл тэрхүү төрсөн өдөр дээр юм л бол улаан дарс уугаад л байлаа. Нөгөө өөрийгөө хянадаг цэнэдэг нь хаачсан юм бүү мэд. Хоолноос гараад бүжиглэцгээнэ гэж байна. Нөхөр бид ердийн үед баар цэнгээний газар огт орох сонирхолгүй ба орохоор хөгшин хүн шиг толгой эргээд нойр хүрээд байдаг. Гэтэл дарсандаа ялимгүй халсан би тэгье явъя болчихлоо. Тэнд найз Martini авчихсан байлаа. Зөвхөн улаан дарс л ууя гэж хэлэхээс нэрэлхээд адилхан улаан өнгөтэй чихэрлэг амттай болохоор нь нөгөөдхөөс нь уугаад л байлаа. Бүжиглээд л байлаа. Шөнийн 2.30 гэж тэндээс харьсан. Өглөө унтаж байхад зүүдэнд хүүхэд уйлаад л байх юм. Сэрж чадахгүй унтаад л байв. Аргагүйн эрхэнд арайхийж сэрэхэд 1 настай бага хүүхэд маань уйлчихсан ороо түшээд зогсож байх юм. Хэр удаан уйлсан юм бүү мэд. За өчигдрийн нөгөө ороож ороож гарсан үс маань 4 зүг 8 зовхис болчихож, царай зүс зэвхийгээд авах юм алга. Тэгээд удалгүй бөөлжиж гарлаа, ходоодонд юу ч байхгүй хэрнээ ходоодны гашуун шингэн гартлаа бөөлжөөд л байх юм. Үнэхээр муухай байлаа. Их л хордсон юм байна гэж бодов. Улаан дарс, Martini 2 хоорондоо зохицдоггүй юм байна гэж дүгнэв.

Үдээс хойш яалт ч үгүй гарах ажилтай болоод лифтэнд суутал жингүйдэж байгаа юм шиг бөөлжис хүрээд аягүй байлаа. Машинд суугаад явтал татах гэж байгаа юм шиг нүүр ам бага зэрэг жирэлзээд, таталдаад байх юм. Тэгэхээр нь за би чинь дуудлага хэлдэг хүн шүү дээ гээд Тэнгэр Монгол Газар гээд хэлтэл нөгөө татах гээд байгаа юм шиг байсан нь бүүр хүчтэй болоод, гэдэс ходоод ч атиралдаж хөдлөх шиг, хамаг бие хэсэг хүчтэй жирэлзээд зүгээр болсон. За ийм үед дуудлага хэлэх буруу юм боловуу гэж бодоод больчихов. Оройдоо бие хамаагүй дээрдээд тэр өдөр өнгөрөв.

Тэрний маргааш өдөр амралтын өдөр байлаа. Хүн өвдөж зовохоороо бурхныг илүү санадаг гэдэг шиг хүч тамиргүй болсон би ойрд Тэнгэр Эцэг, Газар ээж , Өвөг дээдэстээ сүү өргөөгүйгээ санаад өглөөгүүр сүүгээ аваад гарлаа. Ердийн үед урагшаа харах эсвэл Тэнгэр ажаад л явдаг бол яалт ч үгүй газар л ширтээд яваад байх юм. Санаа алдаад л амьдрах утгагүй ч юм шиг, намайг хэн ч ойлгохгүй юм шиг , уйлмаар ч юм шиг, хэрүүл хиймээр ч юм шиг дандаа сөрөг гутранги бодлууд орж ирээд байлаа.

Урьд нь сүү өргөхдөө итгэл дүүрэн алхаад л, дуудлагаа хэлээд л, хүнгүй газар ТЭНГЭРРРРР гэж архираад л, яг газар шороон дээр зогсож байгаад сүүгээ өргөөд сэтгэл өндөр байдаг байлаа. Гэтэл тэр өдөр нөгөө сэтгэл хөдлөл алга, тэгсхийгээд л сүүгээ өргөөд дуудлагаа хэлээд харих замд мөн л газар ширтээд л явах юм. Гэртээ ортол дотроос хэрэлдэх хүсэл төрөөд байх юм. Сайхан хэрэлдээд уйлаад орилоод бужигнуулаад өгөөч гэж хүн хатгаад байх шиг. Хэрүүлийн бузар муу муухайг мэдэхтэйгээ болсон тул гэртээ дуугүй л байгаад л байлаа. Тэнэг юм шиг дув дуугүй гутранги бодолдоо хөтлөгдсөөр тэр өдөр өнгөрөв. Тэр өдрөөс хойш 10 хоногийн турш ядранги ууртай байлаа. Нөгөө халуу шатаад байсан гар хөл хүйтэвтэр байдаг болчихлоо. Энэ явдлаас үндэслээд мөхөс оюундаа дараахи дүгнэлтийг хийв.

1 ХОЛБООС

Хүн эх дэлхийд төрөөд ТЭНГЭР ГАЗАРтайгаа холбогддог ба төсөөлөн бодоход хүн толгойноосоо нэг утсаар ТЭНГЭРтэй, хөлнөөсөө нэг утсаар ГАЗАРтай холбогдож энэхүү Тэнгэр Газрын ХОЛБООС нь биднийг дэлхийн эрчимтэй холбож хүн байгалийн амьтан гэдэг шинж чанарыг бидний биед суулгаж, Өвөг дээдэстэй холбож, Өвөг дээдэст үр хүүхдээ сургах харж хамгаалах боломжийг олгодог байх.

Гэтэл сүүлийн хэдэн зуун жил бид язгуур шүтлэгээ огоорч, харийн соёлуудаас улбаалсан муу зуршлуудад автаж мөн бие биетэйгээ дайтаж хараал жатгыг харамгүй хийснээс үрс нь эх дэлхийн эрчимээ авах чадваргүй болсон. Нэг үгээр холбоос тасарсан юм болов уу.

Шоудсаны маргааш өдөр надад үнэхээр миний холбоос тасарсан мэт санагдсан. Холбоосгүй бол муу сүнсний хоол болоод дуусах юм байна даа гэж төсөөлөгдөв.

2 АРХИ

Архи чөтгөрийн ундаа гэдэг юутай үнэн үг вэ. Ухаан бодлыг самууруулж, өөрийн хяналтыг сулруулж, муу бодлуудыг өдөөгч, Тэнгэр Газрын холбоосоос салгагч нэг үгээр Хар сүнснүүдийн ХҮНД ТАВЬДАГ ХАВХ юм байна хэмээн муйхарлав.

Уу уу гэж уулгана

Дуул дуул гэж хөгжөөнө

Уйл уйл гэж хатгана

Үх үх гэж тавлана

Надад үнэхээр найзын төрсөн өдрийн маргааш нь үхчихвэл ч амар юм шиг бодол төрөөд байсан болохоор архи нь хүнийг үхэл руу түлхэгч юм байна хэмээн бодов.

Баярлаж ирсэн шөнө 1 настай хүүхдээ хөнжлийг нь нөмөргөж чадаагүй нам унтсан тул хүүхэд маань маргаашнаас унжралдсан нов ногоон нус маш ихээр гарч 10 хонож байж зүгээр боло. 1 өдөр баярласан биш хүүхдээ эмнэлэг авч явах, эм өгөх, усанд оруулах, утах, байгальд авч гарах гээд 10 хоногийн ажил өөртөө бий болгожээ. Дээр нь бие сэтгэл цаанаа л нэг хөндүүртэй, зовиуртай байсан гэхээр өөрөө өөрийгээ нилээн хөөрхөн шоглочихсон эсвэл шоглуулчихсан байгаа биз. хэхэ

3 ӨВӨГ ДЭЭДЭС

Ойрын хэдэн жил дандаа л сайн сайхан бодлууд төрж байсныгаа би өөрөө чухам гэгээлэг болж байгаа юм байна гэж бодож байсан чинь Өвөг дээдсүүд маань хөглөдөг байжээ. Дуудлага хэлэн Тэнгэр Газрын ХОЛБООС маань өдрөөс өдөрт сайжирч Өвөг дээдэс маань надад дандаа итгэл сэтгэл хайрладаг юм байна.

Гэтэл хордлогонд ортлоо дарс ууснаас болоод холбоос тэрхэн үед тасрахад амьдрал өнгөгүй мэт, утгагүй мэт, юу ч хиймээргүй ганцаараа л баймаар, хэд ч хоногоор хамаагүй, хаашаа ч хамаагүй явмаар санагдсан. Уул нь амьдралд маань тийм гадуур галзуу юм шиг тэнэхэд хүргэх гүн гүнзгий асуудал байхгүй л байгаа юмсан. Энэ хар сүнсний өдөөн хатгалга хэмээн муйхарлав.

Ердийн үед хүнд асуудал тулгарсан ч дандаа л өөдрөг бодол орж ирдэг нь сайхан. Болноо, Бүх юм сайхан болно, Бүтнээ, Заавал гарц байгаа гээд л дандаа эерэг бодол төрдөг нь Өвөг дээдсүүд маань охиноо дэмнэж байгаа нь тэр юм байна.

Бид нялх хүүхдээ төрөхөөс эхлээд өөрсдөө үхэн үхтлээ үр хүүхдэдээ бүх цаг заваа зарцуулж, хөлд орохоор нь байнга хараад л гишгэж сурахаар нь баярлаад л миний хүү хамгийн хөөрхөн, миний охин маш ухаантай, ийм сайхан хүүхэд, ийм мундаг хүүхэд гэдэг шиг Өвөг дээдэс ч биднийг нүдний цөцгий мэт харж хамгаалан, урам зориг өгч урамшуулж байдаг юм шигээ.

Ингээд бодохоор хүнийг Өвөг дээдэсээс салгаж бодох аргагүй мэт. Хамтдаа байж л өвөг дээдэс үр хүүхдээ сурган удмын үйлээ үргэлжлүүлэн, үр удам нь өвөг дээдсээрээ замаа заалгаж зүгээ чиглүүлүүлж, утга учиртай, урам зоригтой амьдардаг юм боловуу.

4 АРХИЧИД

Би гэгч гэрийн мухарт нөхөр хүүхдүүдтэйгээ нилээн шигддэг хүн ганц өдөр дарс уухад би хэн бэ гэдгээ мартах дөхөж байхад монголын архичид маань өдөр бүр архи ууж би хүн үү?амьтан уу? гэдгээ ялгахаа больсон нь аргагүй л юм байна.

Тэдний ХОЛБООС тасарсан тул Хар сүнсний боол, зарц болон амьдарч байгаа нь юутай харамсалтай вэ?

Би гадуур явж байгаа архичдыг хараад их боддог.

-Аав ээждээ ямар хөөрхөн эгдүүтэй хүүхэд байсан бол?

-Залуудаа ямар сайхан залуу/бүсгүй байсан бол?

-Амьдралаа зохиож байхдаа ямар итгэл төгс гэнэн цайлган байсан бол?

-Анхны хүүхдээ өлгийдэн авч байхдаа ямар их хайр, аз жаргалыг мэдэрч байсан бол?

-Ажиллаж хөдөлмөрлөөд ямар азтай одтой явсан бол?

-Тэгээд яагаад ийм амьдралтай болсон юм бол?

-Яавал ийм хүмүүсийг архинаас салгах вэ?

-Эдний цаана эд нарыг төлөө хичнээн их нус нулимастайгаа холилдсон өвөг эмээ нар, эхнэрүүд, үр хүүхдүүд байгаа болдоо

-Архинаас гарчихвал тэр өрхийн гишүүд сэтгэл амарч, хичнээн их аз жаргалд умбах бол

Харахад хичнээн сайхан эрүүл саруул бие хаатай залуу хүмүүс гудамжны буланд улс төрийн хор найруулах гэж байгаа мэт чухал царайлцгааж хаанаас хэн нь яаж мөнгө олоод архи уух вэ гэж зөвлөлдөж байгааг харахад дотоод сэтгэлийн гүнээс харуусал төрдөг байлаа.

Бид монголчууддаа МӨНХ ХӨХ ТЭНГЭРийг ойлгуулж ойртуулж өгсөн цагт, архичид ч аяндаа ТЭНГЭРЭЭ шүтээд ирэх ба Өвөг дээдэстэйгээ , Эх дэлхийн эрчимтэйгээ холбогдож байж л хар сүнсний боолчлолоос чөлөөлөгдөх юм байна.

5 МЭДРЭМЖ

Тэр өдөр төрсөн өдрийн баярын дунд үеэс гар хөл жирвэлзээд сонин оргиод байсан юм. Энерги зохицохгүй байгаа юм байлгүй гэж нэг бодсоноо тэгээд л мартаад ууж идээд л суугаад байсан.

Одоо бодоход тэр бол битгий уу, уувал сэвтэнэ гэдэг дохио байсан юм байна гэж таамагласан. Үнэхээр 10 хоногийн турш сэтгэл маш онцгүй байсан ба баяр хөөрийн мэдрэмж, амар тайван байх мэдрэмж бүгд нисэн одчихсон юм шиг л байлаа. Өөртөө ингэж тушаав:-МЭДРЭМЖЭЭ ОЙЛГОЖ ДАГАЖ СУР!

6 ЭРЧИМ

Бидэнд эхлээд ЭРЧИМ хэрэгтэй, өөрөө эрчимжиж байж өөрийгөө засах ухаанаа олох хэрэгтэй байна. Өөрийн бие эрүүл мэнд асуудалтай, амьдрал асуудалтай, оюун санаа асуудалтай байвал яаж ГЭРЭЛ хурааж бусдыг замчлах вэ дээ.

2 жилийн хугацаанд Тэнгэр Монгол Газар дуудлагаа хэлэн сүү ууж, сүү өргөж, Дээдэс болон Галт удганаар засал хийлгэн орой үдэш гарахгүй, байгальд гарч, муу бүхнээс чадлаараа хол байж хураасан ЭРЧИМ маань суларсанд их л харамслаа. Ном судраа уншиж амжихгүй байгаа тул ядаж л эрчимээ алдахгүй явах юмсан даа.

Шинэ жилийн баяр дөхөж байгаа тул Гэрлийн өргөөний андууддаа эрчмээ алдахаас сэрэмжлүүлэх үүднээс үүнийг бичив.

Сүүгээ уугаад, сүүгээ өргөөд, дуудлагаа хэлэн, судраа уншин бүх зүйл сайхан болно доо хэмээн ерөөгөөд энэхүү бодролоо төгсгөе.

Хэт туйлширсан бол өршөөгөөрэй!

Тэнгэр Монгол Газар

Unlike · · Stop Notifications · December 4 at 12:25pm

You, Дайчин Хүү, Erdene Bat-Ochir, Шүрэнчулуун Эрдэнэбат and 41 others like this.
Enkhjargal Dashmaa saihan bichjee negiig uhaaruulj baina shuu.

December 4 at 2:05pm via mobile · Like · 1
Тэнгэр Хүү Үнэхээр үнэн зөвийг хэн бүхэнд ойлгуулахаар бичжээ. Хүн өөрийн биедээ эрчмээ тогтоож алдахгүй байхад суралцах хэрэгтэй юм билээ.

December 4 at 2:20pm · Like · 2
Tsetsegjargal Dorj Маш сайхан сургамжтай зүйл бичжээ. Эрчмийг тогтоож хадгалах биш түүний урсгалыг дандаа зөв жигд хүчтэй явуулах гэж ойлгох нь зөв юм уу даа. Тэгж баймааж л жинхэнэ хамгаалалт болох юм. ТМГ

December 4 at 3:25pm · Like · 2
Zar Chicagomongols Eostoi saihan tsegtstei bichejee. Ene bol unen shuu. Bi uuriihuun iim yavdaliig yarihad buur hetsuu um bolsoon. Taniih bas tanagtai baina hehe.(bi agsan tavih gedegiig sain oilgodgui tiim hunteich neeh taarch yavsangui hun hehe). dunguj taniltsasan naiziihaan naiziind anh ochiod, yarij huurch vino uugaad suuld n garaj bujiglie gej ailiin ehner n nuhurtuigu margan sogtuurhad oriloldood baiv. Gaihaal ungruv. Heseg hugtsaanii daraa ahin neg gert n ochihoor bolov. ochood l am tsangav gech boldog um baiga. uumaar sanagdaal ehnertei n vino uulaa. Nuhur n tsagaan arhi tavichihsan.( bi ugtai gedge medeed udaagui ih medremjtei, uuriiguuch oilgdgui neg l sain itgej ugdgui baisan um) teged l hedhen urunk uugaad uilaj ehlesenee tsaashaagaa kadar ue ue gants 2 orj ireel ugluu serev. ugluu serhed baruun gariin yas tsuurasan met yanginaad uvduud hajuu tiishe harlaa hamag uruu n orongoor n erguulchij ??? uuriiguuch gej gadarlaad tolgoind yuch baihgui ehneriih n huvtasiig umschij, aan za untlagni huvtasa umsuulchij geed bosood ochitol ,ehner n ineegeed gaigui uu mai suu uu geel ugluu. avj uuchaad ene uruug chin bi ballaa haychijee yaana gesen chin zugeerei l gene. nuhur n garj ireed yaanaa horvo deer gants galzuu emegtei baidaig gej bodson 2 baisan bn shd, yaaj hunruu harj chadjiinaa geel .. hun tsaashluulav. za eostoi uuchlaarai bi garaa yaachvaa uvduud bhiin geel harhad 6 shalbarhaatai garaa atgaj baigaad l nadaas garahgui hucheer tsonh haglah geed baisan gej baina?? Teriig ogtsanahgui baisan. nadad bol bi yuch sanahgui bolhoor neeh gem hiigeegui hun shig l baisan. tsonh haglaj usreh geel baisan um shig baina lee lap top avj tsonhruu n shidsen baihiin. Tsonh n buh tulda amid uldsen shuu. teged 2 uula bitgii geed tevered avhaar munag hucheer tulhej baina gene. Vinogo uurluugee asgaad ehner n huvtasa umsuulsen gene. huuuh unheer sonin um biend dev orson gedgiig shuud l medsen. oilgomjtoi bn lee. Mangas ortson aytai l baigaaz. teged sana zovsondo uuchlalt guigaad ehnert n unnee heleed ugtai gesen teged tanai ter uruund chin umuu um baih shig baina. Geed helchihsen. Uruug n tseverleed artsaar utaad davs toiruulj tsatsaad orhison. Huurhun 2 huu n gaigui untsan baiga da. Gehde teriig bodoh zavgui udurjinguu guulegsen zogsontgui. dara neg udur ehner n nadruu zalgaad: chinii heldeg unen baihaa, manaid yag shine jileer 2 jiliin umnu yag eolko zasad baij baihad manaid ter uruund amidardag baisan zaluu naiz sogtuudaa ohinoo hatsariih n mahiig tasartal zodson teged neg n turgenruu yavad nuguuh n tsagdaad barigdaad yavsan gej helsen um. teged dara n bie biene nileen sain tanidag bolhod ehner n ugluu bosood l uudag nuhur n uuraldag dain boldog, tsagdaad biene duudad ugj baisan udaatai gene. Urd n ter havid olon Mongolchuud amidraad ih uuj iddeg baisan gesen. tiim l amitan biede oruulj uzsen udaatai. ter ued bas zasal ene tere geej neeh sain meddgui gehde deedsiin blogiig unshdag baigad neg heseg orhitson baisan ue. iim l devnuud Mongoloor duuren baiga baihda?buud uzuuleed arilgaad haychdag, ayro n tsoorson bolhoor ahiad l orod suuchdag baih. teged l ih zuiliig oilgoj avlaa. Urd umnu neg uruunii ohinoo yaad uuh durtai uugad yuch sanahgui zaluutai uulzad teriigee sandgui baina gej ih gaihdag bailaa. Bi ch 17 toigoos hoish zogsoo zaigui ajil ajil gej eej egchteigee hunii nutagt yavsan.Neeh denduu arhi uuj narigaad baidag baisanguiee. Bitgii buruugaar bodooroi. Bi bas arhinii dev iim baidag baina gej busadtai huvaaltsmaar sanagdaad bichlee. Denduu um bichsen bol urshuuguurui TENGER MONGOL GAZAR.

December 4 at 3:35pm via mobile · Unlike · 10
Zar Chicagomongols Garniihaan zurgiig olloo. Tsonhiig tsohihod gar iim bollo gehed sonin baigaaz. tsemt mod baisan bol ingeh baisan. Harin tsonh bol arzgar bish. Gar maani ih uvdsuun.

December 4 at 3:43pm via mobile · Like
Amraa Mn Ангийн мах идэж архи ууж шөнөжин нойргүй бөөлжөөд сүүлдээ амнаас улаан цус шиг юм гараад эхэлсэн үүнээс хойш за ахиж уухгүй гэж өөртөө тангараг өргөсөн. Тангарагаа зөрчиж 1 хундага уусан л юм байна. Гэхдээ 2 өдрийн ангийнхний уулзалт болж байхад 1 л хундага уусан нь их юм даа гэж өөрийгөө хуурч байна даа.

December 4 at 3:57pm · Edited · Unlike · 3
Dereenee Ewigkeit Гэрлийн ергеенд орж ирсэнээс хойш олон зvйлийг алган дээр минь тавьсан юм шvv бас уярамтгай болсон .Ta бvхэндээ чин сэтгэлээсээ талархаж байна. Vнэхээр юм их ойлгуулж байна. ТЭНГЭР МОНГОЛ ГАЗАР

December 4 at 11:29pm via mobile · Edited · Like · 8
Oyumaa Orsoo Сайхан сургамжтай зүйл бичсэн байна, бусдыгаа алдахаас сэргийлж бичсэнд баярлалаа.

December 4 at 5:46pm · Like · 1
Iher Luu surgamjtai yavdal boljee. busdad surgamj boloh boltugai

December 4 at 10:30pm via mobile · Like · 1
Alimaa Avarzad Saihan surgamjtai zuil bichjee. Bayarlalaa.

December 4 at 11:28pm via mobile · Like · 1
Chinggis Ayanga Тийм дээ, хамгийн харамсалтай нь хар сүнс үнэхээр байгаад ингэж хорлож кайф авдаг нь үнэн болоод байгаа юм. Ялангуяа дуулага хэлдэг хүмүүс маш сайн мэдэрдэг болдог. Архиар ганц хар сүнс биш маш олон янзын хар сүнсүүд нэгдэн үйлчилнэ. Ялангуяа баранд десантаараа байгаа шүүдээ. Мэдэрдэг мэддэг болсон нь амжилт учраас биед чинь бугшаад эзэгнэн хаанчлахаас хамгаалж тэмцэх хэрэгтэй. Мэдэрмэгц дуудлагаа хэлээд дүүрэн устай ваннд сайтар хэвтдэг. Сүү мөн давс, ганга арц, цэцэгтэй усанд орох хэрэгтэй. Галаар сайтар дөлөнд нь биеэ ариутгах, сүү уун нарны элчинд суун дуудлагаа хэлэх, эсвэл цэвэр агаарт гаран газар хэвтэн газрын эрчим, байгалийн эрчим, нарны эрчмээр анагаах гэх мэт аргуудаар анагаах хэрэгтэй. Тэд хүрдүүдийг айхтар гэмтээх учраас бие их өвддөг. Уур хүрэх бол энүүхэнд шүү дээ. Хар сүнснүүд хүний эрчмээр хооллодог учраас заавал тийм газар яваад байх хэрэггүй ээ. Яваандаа заавал дуудлага хэлдэг хэлдэггүй хамаагүй бүгд л хар сүнсүүдийн дайралтыг мэддэг болоод ирэхээр л асуудал үүснэ дээ.

December 5 at 12:44am · Like · 10
Тэнгэрийн Заадас Сургуулийн шинэ жил удахгүй болно бүтэн улирлийн турш энэ асуудлаас бултсан. Шинэ жилээр яаж бултнаа...

December 5 at 12:57am via mobile · Like · 1
Zar Chicagomongols Deeds Amar menduu? Har daruulj boolguulj baihdaa l duudlga ugee helhed, uleesen um shig l alga boldiin. Shunu untaj baihdaa duudlga sanj helj baidag l ih sonin. Mun setgel shanlaj baih ued duudlga heled untaad serhed urgus avsan met l bolj edgerchihsen met setgegdel turdug. Hun Zovoh tsagta l chin setgeleesei guij duudlga heldeg um baina lee.

December 5 at 1:21am via mobile · Unlike · 2
Баасандорж Баасанболд Баяраар архи уухад тустай ганц л зүйл байх шиг байгаа юм.Хэтрүүлж идэх үед хоол сайн шингээнэ.Өнгөрсөн шинэ жилээр айлд уригдаваа.Шинэ жилээр хатуу юм уухгүй жимстэй сүү уулаа гэж шоолуулаад л бас идээд л байлаа.Сүү тэгээд хоол гэдэс дүүрээд хэцүү юм билээ.Ядаж байхад твистер(өнгөн дээр дараад орооцолддог) тогловоо.Бие гэдэс 2 зэрэг орооцолдохоор хийгээ барьж дийлэхгүй юм билээ. Аз болсон уу, намайг бодсон уу нохой руугаа чихээд өнгөрсөн.
Одоо шинэ жил хурдан болоосой биш хурдан өнгөрөөсөй л гэж бодож байна шүү.Яагаад уухгүй байгаагаа бүх талаас нь тайлбарлана,Үр дүн багатай. Удаан уулзаагүй найзуудтайгаа уулзана.Хаана караоке баар шүү дээ.Ямар та нартай уулзахгүй гэлтэй биш дагаад л орно.Зарим газар ч эвгүй шүү.
Дээр үед өвөг дээдсүүд яаж баярладаг байсан юм бол доо.
Энэ жил христэд итгэгч орон гэргүй ядуустай сүмд нь цуг хүүхдүүдтэй шаараар тоглож шинэ он гаргана даа.Архи уудаггүй сайхан хүмүүс.Би тэнгэр үзэл ярьвал хөөрхий энэ мунхаг хүүгийн сүнсийг ертөнцийн эзэн өршөөг гэж миний төлөө залбирах байх хэхэ.Манай монгол өвлийн өвгөн шинэ жилээр онгод болж залрахгүй юм байх даа.
Гэрэлт сайхан өргөөнийхөн минь шинэ оноо амжилт бүтээлээр дүүрэн гэртээ халуун ам бүлээрээ болж өгвөл архинаас хол бурхан чөтгөргүй бүгд тэмдэглэдэг баяраа сайхан тэмдэглээрэй

December 5 at 2:17am · Unlike · 3
Oyuniig Neegch Гялайлаа, маш хэрэгтэй мэдээллүүдийг уншиж ойлголоо.

December 5 at 2:26am · Like · 1
Delgeruuleh Tmg surgamjtai saihan bichjee. bi bas hereg boloh bolov uu geed bichiie. Hed honogiin umnu bi huudee mash ih uurlaj bur galzuu hun shig l aashilsan tuund tsever bi uuruu l buruutai uuraa barij uhaanaar shiidehgyi tegeed tomoos tom har yumiig biedee oruulj ur huuhdee uvduulj huugee avaad emnelegt hevtej yas mahandaa shingetel mederlee dee.Buurluud maani heleed baihad uhdaggyi munhag nadad bie deer min hamgiin hairtai ur huuhed deer min medruulj nadad uhuullaa daa. Odoo joohon shiruun bodol uur hureh ehlel bolonguut l nuguu ur huuhdee yaj zovooloo gedeg tolgoid tog gej orj ireed maash hurdan uuraa barij uujuu taivan baij surch bgaa. Uuniig biedee hevshuulehiin tuld nadaas baingiin hyanalt heregtei yum bilee. Taminee uur buhimdalaa barij alivaa yumand taivan uujuu handah bas hamgiin heregtei yum bn lee shuu har muu chuugiigees uuriiguu hamgaalahad. Zuvhun bi uuruu har yumand bariulaad zogsohgyi ergen toirnii hairtai humuust chin davhar nuluulj zovoodog gedgiig l hamgiin iheer uhaj mederlee dee.

December 5 at 9:52am via mobile · Unlike · 3