Thursday, July 19, 2012
Duulin
Өршөөгөөрэй, удаан ажигласны эцэст энэ группын та бүхэнтэй бурахгүй байж боломгүй байна. Аянга удганг анх блог нээж байхаас нь л уншиж, өөртэй нь 1,2 харилцаж, нэг хэсэг их сонирхож байлаа. Хааны айлдвар болон блог дахь бүх тэмдэглэлүүдийг гадарланаа. Хэд хэдэн эргэлзээтэй, үл ойлгогдох зүйл байх шиг санагдахын. Эндүү бодож яваа бол засаж залруулж өгнө үү.
1. Аянга удган яагаад үргэлж царайгаа нуудгийг ойлгохгүй юм. Санаа муутнууд хорлохвий гэж болгоомжилж царайгаа нуудаг гэсэн хариулт өгсөн байсан. Эзэн хаан маань улаачаа зүсээ нууж, зүгээ буруулж, хулгайч шиг амьдруулдаг учир юу вэ. Үнэн үйл хийж яваа хүмүүн олноос нуугдмааргүй юм?!???
2. Удганы өмсгөл, хэц хэнгэрэг
Ингэхэд халх гэж яг ямар ястан юм бэ? Мэдэх хүн байвал хэлж өгч тус болно уу. Эзэн Чингис хаан маань лав халх ястан бус бололтой. Өмсгөл, хэц хэнгэрэгийг нь ажаад байхад хаан маань ч, хажуу түшиг жанжид нь ч буриад болон бага ястнуудын өмсгөлтэй байх юм. Халх түмэн ан амьтанаа хайрлаад, үс арьсаар нь биеэ гоёод байдаггүй. Уг нь халх бол Монгол угсаатны гол цөм баймаар санагдахын. Халх сахиусууд зөв олон өнцөгт хэц хэнгэрэг хэрэглэдэг. Цагааны сахиус бол 6 хүртэл талтай зөв олон өнцөгт, хар бол 10,11 хүртэл, дорлиг, улаан бол түүнээс дээш байх нь элбэг. Хаан маань гурвалжин хэц барих юм. Асуухаар, хаан болохоор тусдаа онцгой гэж хариулдаг юм билээ. Мэдэхгүй юм даа... Уг нь доод тивд хэн байсан нь хамаагүй, хаан ч бай, харц бай ч дээд тивд гарахаар нэгэн жаяг мөрддөг баймаар.
3. Аянга Удган Чингис хааны үнэхээр удамын хүн мөн үү?
Сахиус өөрийн цусан удмын балчирт бууж байж жинхэнэ сахиус гэгдэнэ. Удам нь тасарсан боловч, өөр хүний удам дээр буун, тухайн улаачийнхаа удмынх нь онгод мэт эзэгнэвэл ямар олиг байхав. Бугаас ялгаа юув. Хэдийгээр түүхийн талаас авч үзвэл, Алтан ургыхан алалдан тэмцэлдсээр, Чингис хааны удам тасарсан гэгдэх ч, бичиг сударт тэмдэглэгдэж үлдэгдээгүй "нууц" орхигдсон удмын холбоо байж болох юм.
4. Хаан гэхээр бусдаас онцгой байх гэж үү? Онцгой бол юугаараа?
Доод тивээс одоод, дээд тивд очиход, жаяг нь өөр, тодорхой шалгуур даваж байж, дээд тивдээ ноён, хаан, хаан дээд суудлуудад суудаг гэх. Чингис хаан маань дээд тивдээ ямар суудалтайн болоо? Доод тивд захирагч явсан хүн, дээд тивд гараад малчин хүний зарц явах нь хүртэл бий шүү дээ. Чингис хаан маань олон хүний амийг авсан, нилээн хатуу үйл хийсэн хүн. Доод тивд тэгэж амар залрах гэж уу?
5. ТЭНГЭР МОНГОЛ ГАЗАР гэж хэлэхээр нарны туяа тодордог гэж үнэн үү?
Удганы оруулсан болон бусад хүмүүсийн оруулсан олон зураг дээр нарны туяа тодорсон, хэлбэрээ өөрчилсөн байдаг. Үнэндээ тэдгээр нэмэлт туяанууд камерын линзээс болоод үүсэж буй мэт бодогдохын. Lens flare гээд хайвал та бүхний авсан зургуудтай төстэй зураас үүссэн зураг олон байгаа. http://
Хүсвэл физик үүднээс нь туршилт хийгээд тайлбарлаад, маш сонирхолтой гоё зурааснуудыг гаргаж үзүүлж болно.
6. Блог дээрх бичвэрүүд, бөөгийн талаар тайлбарлан, ард түмнээ соён гэгээрүүлэх бус, өөрийгөө зөвхөн төвийлгөн, бусад бөө нарыг үгүйсгэх мэт тэмдэглэл төдий болж буй нь харамсалтай. Ном гаргаж байна, видео хийж байна. Гэхдээ логик үүднээс утга учрыг нь тайлбарласан бодитой барицтай зүйл дутмаг санагдах юм. Наад зах нь таван хошуу мал, монгол бичгийнхээ утга учир, бэлгэдлийг тайлбарлаад өгвөл зүгээрсэн дээ.
Эцэст нь хэлэхэд, маш олон хүн, ялангуяа өсвөр насныхан, залуус Аянга Удганг итгэн дагаж байгаа нь нэг талаараа өвөг дээдэс, түүх соёлоо дээдлээд сайн хэрэг ч, нөгөө талаас ямар ч бодолгүйгээр, дүгнэх цэгнэх зүйлгүйгээр хэт автаж байгаа нь анхаарууштай.
Энэ группын та бүхэн дээрх зүйлсд хариулж тус болно уу.
Posted in: Гэрлийн Өргөө
%5D.jpg)
0 сэтгэгдэлтэй:
Post a Comment
Та зочин бол Anonymous сонголтоор орж сэтгэгдэл үлдээнэ үү. Баярлалаа. Асууж тодруулах зүйлээ tengermongolgazar@yahoo.com -оор асууна уу.
Гэрлийн Өргөөтэй холбогдох утас: 88077002