Аянга удганаар засал хийлгэсэн хүмүүсийн сэтгэгдлүүд 2 ....

Эрдэнэбаяр: 2012-05-06 ны засал 

Энэ өдөр Аянгат удганыг анх удаагаа харав. Би ч орж очоод мэнд мэдээд холхон шиг л сууж байв. Засал 11 цагаас эхлэх тул Гэрлийн өргөөнийхөн заслын өмнө бэлтгэл ажил хийж эхэлцгээв. Би ч тэгс гээд сууж байтал энд байгаа улсууд тэр хүнд эхлээд үзүүл би ч босоод очтол намайг шууд л та тийшээ суу л гэлээ. Яагаад намайг харах ч үгүй шууд нөгөө талд суулгасныг засал хийлгэж дууссаны дараа л ойлгосон. 

Бэлтгэл ажил хангагдсаны дараа хүн бүр байр байраа эзлээд Аянгат удган заслаа эхлэхэд би шууд л чичирч эхлэв. Яаж ч хичээсэн чичрээд тайван байж болохгүй байв. Уг нь нийтийн засал эхлэхээс өмнө хоёр жаахан охины засал хийж өгөөд явуулсан юм. Тэр хоёрын заслыг хийж эхлэхэд л чичрээд болохгүй байсан тул би элдэв юм бодоод яахав гээд дуудлага үгээ хэлээд л сууж байв.

Read more »

Share

Posted in: Cэтгэгдлүүд,Аянга удган,Баримтууд бодит жишээ,Бөө,Бөө гэж хэн бэ?,Гэрлийн Өргөө

Аянга удганаар засал хийлгэсэн хүмүүсийн сэтгэгдлүүдээс 1-р хэсэг....

Эзэн Дээдсийн Улаач Аянгат удган Монголдоо түр хугацаагаар ирээд байх үедээ  Гэрлийн Өргөөний гишүүдийг хүлээн авч тэдэнд Тэнгэрийн үйлийг ойлгон дэм тусаа өргөж байгаад нь талархан, шагнал болгож засал хийсэн билээ. 

Засал нийт 3 өдөр үргэлжилсэн бөгөөд эдгээр засалд нийтдээ 100 орчим хүмүүс хамрагдсан. Тэдгээр хүмүүсээс заслын талаархи сэтгэгдлээ бичиж бусад олон Монголчууддаа Тэнгэрийг ойлгуулан ухааруулахад тус дэм болохыг хүссэн бөгөөд тэр хүсэлтийг биелүүлж сэтгэгдлээ бичиж илгээсэн хүмүүст гүнээ талархлаа. 

Read more »

Share

Posted in: Аянга удган,Баримтууд бодит жишээ,Бөө,Бөө гэж хэн бэ?,Гэрлийн Өргөө

Эзэн Чингис Хааны сургаалаас сонсохоор хүргэж байна./аудио/

Эзэн Хааны сургаалийг энд дарж сонсоно уу

Эзэн Хааны сургаалийг энд дарж татаж авна уу

2012 оны 4 сарын 11. 12 цаг 30 минут.

Монгол Улс, Улаанбаатар хот

Энэ өдөр Гэрлийн Өргөөний албан ёсны зохион байгуулагдсан хэлбэр болох Монгол Тэнгэр Үнэн ТББ-ийн гишүүд /дотоод ажлын хэсэг/ Аянгат Удганаа хүлээн авч уулзсан бөгөөд тэнд 30 гаруй хүн байв. Мөн интернэтээр холбогдсон Өргөөний гишүүн Аянга удгантай чаатаар ярилцан байх үед Эзэн Хааны сэтгэл ихэд хөдлөн улаачдаа буухаар бэлдүүлэв. Бид Удганаа тойрон сууж  Эзэн хааныхаа сургаал юуг сонссон юм.

Эзэн Чингис хаан Аянга удганд залраад үрс олондоо сургаалаа хайрласныг гар утсаар бичин авснаа бичигт буулган дор сийрүүлэв. Хааны хэлсэн үг бүрийг алдалгүй бичиж авахыг хичээж, үг үсэг гээлгүй, ямар нэгэн найруулгагүй яг хэлсэн хэвээр нь буулгав.

Энгийн .... бас эгэлгүй.

Read more »

Share

Буурлын сургаал /Видео бичлэг/

2012 оны 4 сард хийсэн дүрс бичлэг. Онгодын сургаалийг дор сийрүүлэн бичив.

Ахуй бие нь тэнхээтэй ч

Ахуй төр нь ганхахад ард минь шаналдаг юм.

Харин төр нь ардынхаа тусад биш ард нь төрийнхөө түвшингийн тулд биш дээд доодгүй ард хаадгүй өөр өөрсдийн тусыг яасан ихээр нь боддог юм бэ, Өөрөө өөрсдийн жаргалыг яасан ихээр эн тэргүүнд тавьдаг юм бэ?

Read more »

Share

Posted in: Баримтат видео,Баримтууд бодит жишээ,Бөө,Бөө гэж хэн бэ?,Бөөгийн бичлэгүүд,Видео,Онгод Тэнгэрийн үг

Нарандулам: 2012 04 07 Зүрх Хайрханд

‎2012 оны 4 сарын 7 ны өдөр бид АС ын хэлэлцүүлгээ хийгээд 17 цагт ЗҮР ЭХ ХАЙРХАН-даа болон ГАЗАР Ээжийдээ мөргөж байтал гэнэт нулимс асгараад ирлээ.Гайхаад байтал удган ирнэ гэв. Би ч зөвлөх удганаа ирэх байх гэж бодлоо гэтэл хэнгэрэг дуугаран нэг удган бөөлж эхэлснээ бидэн рүү зүглээд ирлээ.Гэтэл гутал , өмсгөл зүүсгэл нь барьсан хэнгэрэг нь өөр нэг л танил байлаа. Аянга Удган уу гэсэн бодол орж иртэл охин тийм гэлээ . 99 ТНГР Эцэг болон Эх Тэнгэр буулгадаг хэнгэргээ барьсан байлаа. Удалгүй бид ч босоцгоон удганаа тойрон суулаа. 99 ТНГР буусны дараа ХААН-ны гурвалжин хэнгэрэг ирлээ.Бид ч ХААН аа буух нь гэж мэдээд залбирав. 

ХААН маань заларч бид ч мэнд усыг нь асуулаа .Гэтэл хамгийн ахмад нь ир гэлээ. Би ч сандраад босон очиж амар мэндийг асуун золгож сөгдөн мөргөв.г ХААН чи өөрийгөө хамгийн хөгшин нь гэж бодоод байгаа муу гэлээ.Тэгээд ХААН их үйлийг бүтээж байгаад тань талархая гэлээ. 

Read more »

Share

Posted in: Баримтууд бодит жишээ,Наран

Аянга Удгантай уулзсан сэтгэгдлүүд 2012 04 07

Мөнгөн сар

Хүний хувь заяа гэж ямар аугаа хайхамшигтай юм бэ ... Энэ сайхан цаг үед, энэ сайхан Монгол орондоо , энэ сайхан аав ээжийн үр болон төрсөндөө ,ийм уудам сайхан нутаг усыг өвлүүлэн үлдээж өгсөн Алтан ургийн бүх ХААД хүчирхэг ӨБӨГ ДЭЭДЭС, , гал голомтоо ариун тунгалаг авч яван бидэндээ амар амгалан удамшуулан үлдээж өгсөн өөрийн удмын Буурлуудадаа өглөө болгон залбирч үдэш болгон сүсэглэн мөргөдөг бхдаа 1000 жилдээ ганц л удаа бууж ирдэг ЭЗЭН БОГД ЧИНГИС хааныхаа өмнө нэгэн нарлаг сайхан өдөр сөгдөн мөргөж амар амгаланг нь айлдах юм гэж ёстой санаж зуудэлж ч явсангүй ээ ./ ийнхүү мөргөж залбирдаг бхдаа ХААН ЭЗЭНээ улаач дээрээ бууж ирсэнийг мэдээч үгүй байлаа/

Read more »

Share

Posted in: Баримтууд бодит жишээ,Бөөгийн зураг,Гэрлийн Өргөө,Фото

Энэ 3 дууг сураарай.

1. Зөв явбал зөөлөн зөөлөн замбуулин

2. Тэнгэр ээж минь өршөө

3.  Амин хайртай миний аав

Зөв явбал зөөлөн зөөлөн замбуулин

Үг: Л.Мөнхтөр

Ая: Н.Баасандорж

Агь үнэртсэн цэнхэр талын

Адуу нь дандаа соргог байдаг аа

Уужуу тайвуу ухаантай аавын минь

Үг нь дандаа эрдэнэ байдаг аа

ДХ: Зүүд хүртэл жаргааж сэрдэг

Зөв явбал зөөлөн зөөлөн замбуулин

Нар үдэлсэн буурал говийн

Салхи нь дандаа бүлээн байдаг аа

Насан өндөр сайхан ээжийн минь

Санаа нь дандаа сүү байдаг аа

ДХ:

Бүжин туулай хярсан бутыг

Харахад нэг л нөмөртэй байдаг аа

Бүүвэй аялсан бүсгүй хүний

Харц нь дандаа зөөлөн байдаг аа

ДХ: *2

Read more »

Share

Аянгат удганы хадам буурлын сургаал /2011.08 сард/

http://picosong.com/wqzJ

Компьютерээ ухаж байтал Аянгат Удганы Хадам буурлын сургаал гарч ирэв. Өнгөрсөн оны 8 сард Харь орон явах үед нь буурлууд Аянгат удганд сургамжилж байсныг бичсэн болой. Үнэнийг хэлэхэд миний бие сонсгол тун муу нэгэн учраас доор сийрүүлснийг хоолойтой нь давхар тулган сайтар нягталж, сонсонгоо уншаарай.  Сонсож чадаагүй зүйлээ  .... гэж орхисон байгаа. Та бүгд гэгээн оюундаа тунгаан сонордохтун.

БУУРЛЫН СУРГААЛ:

Юуны тулд Их хаадын эрдэм ухаанаар байгал эхээ босгож хүн ардад рашаан булгаа байлгах гэж хүнсээ бид байгалийнхаа буяныг дагах гэж л яваа. Түүнээс хүний энэ эргээд буцах хорвоод хөө хуяг болж, эрх орхимж зүүгээд хүний зовлонгоор жаргалын сархад ....-гүй юм. 

Хэд нь тийм байна, бодоод үз, .... үйл хэргийг байгал эцгээс өгсөн Тэнгэр дээд тамгатай нь авьяас билгээрээ бусдын сүсэг бишрэлийг дагуулан эргэн хангай дэлхийгээ аргадаж эргэн хангай дэлхийдээ хүмүүн төрөлхтний мөхсийг ухааруулж мөхөс бидний ухааныг тунгаалгахын тулд мунхаг ардыг гэгээрүүлж, мунхаг олныг гэгээрүүлж зон олноороо сөгдөн мөргөхийн тулд бидэнд энэ шидийг өгсөн юм.

Read more »

Share

Posted in: Онгод Тэнгэрийн үг

Баатар Хөгсөөн та больвол яасан юм бэ?

Баатар Хөгсөөн хэмээх нөхөр Хэдэн сарын өмнө Гэрлийн Өргөөд орж ирсэн бөгөөд өөрийгөө бөө хэмээж Бүх бөөгийн групүүдийг нэгдэхийг уриалж байсан юм. Эв нэгдлийг эрхэмлэх үзэл санааг нь дэмжиж байв. Тун удалгүй Аянга Удганы тухай бусад бөөгийн групүүд дээр сонжсон өдсөн хандлагатай пост тавьж баахан хэрүүл үүсгэдэг болов. Мөн өөрөө БӨӨ групыг нээж баахан хүнийг нэмэн тэр дотроо хааяа хааяахан Аянга удганы тухай бас л муулсан, өдсөн, бусдыг хэрүүл уриалан дуудах постууд тавих болсон юм. Одоо бүр давраад,  тэвчээд байх тусам улам л муулаад бичээд байх болжээ. Цаашид дахиж тэвчээд байх шаардлага үгүй болов. Олон түмнийг төөрөлдүүлэх олиггүй санаа агуулав уу? Бүү мэд. Итгэх итгэхгүй нь хувь хүний асуудал ч өдөж сөдөх, гүтгэх муулах, хийсэнг нь хийгээгүй, хийгээгүй нь хийсэн болгох нь яавч зүгээр өнгөрүүлэх хэрэг биш.  Тиймээс үнэт цагаа хугаслан байж тэр хүний асуултанд нь хариулт бичиж байна.

Read more »

Share

Цэсэм: Азтай бас Гайхамшигтай Учрал

Азтай бас Гайхамшигтай Учрал

2012 оны 3сарын 14

Энэ өдөр Солонгос улсад Удган маань морилон ирлээ.  Онгоц буух цагийг нь мэдэж байсан ч цаг болон утас руугаа байн байн хялам хийж догдлон суулаа. 

Утас дуугарлаа.... 

Амьсгаагаа даран утсаа авахад шингэн цоглог дуугаар: "Аниа нь байна аа" гэсэн Удганы маань дуу байлаа. Аялж сурсан хүний зангаар АйрБус-д суугаад манай буудал руу ирэх болов. Автобусны буудал дээр их л догдлон хүлээлээ. Автобус ч ирлээ. Эхлээд үүргэвч үүрсэн залуу буув. Дараа нь өндөр цэх нуруутай, дэгжин бүсгүй инээмсэглэн бууж ирлээ......Хүсэн хүлээсэн мөч ирлээ. 

Энэ бол Удган маань байлаа. Сайн байна уу гээд намайг тэвэрч үнсэв. Би их л сандран: "Та аян замдаа сайн явж ирэв үү" гээд амандаа бувтналаа.

Read more »

Share

Posted in: Баримтууд бодит жишээ,Цэсэм

Гуулин улсаас ирсэн сэтгэгдэл

Эзэн Дээдсийн улаач Аянга удган харийн орнуудаар явж уул усны эздийг сэрээн тайлга, тахилга үйлдэж яваа билээ. Дээдсийн улаач Гуулин улсад очих үеэрээ тэнд байдаг Гэрлийн Өргөөний гишүүдтэйгээ уулзсан бөгөөд тэдний сэтгэгдлээс блогт нийтэлж байна. 

Тунгаа:

Сайн байна уу

Би буурлуудын нэрлэдэг Гуулин орноос бичиж байна

Эзэн богд чингэс хаан онго дүрээрээ буусан талаар уншиж байсан итгэл сул байсан Үнэн бол сайхан л юм байна гэсэн юм бодоод явж байлаа Гэтэл Хөөрхий минь харьд байгаа биднийг тэнгэр юу гэж харах вэ дээ гээд харайж явтал аянга удгантай холбоо барьж уулзах болсоноо гайхах айх зэрэгцэн нэг ёсны хол байгаа охиноо ээж аав нь эргээд ирсэн мэт санагдаж хоолой дээр юм огшоод ирсэн би урьд энэ тухай бодоогүй байсан ёстой зүүдлээч үгүй байсан даа.

Read more »

Share

Posted in: Баримтууд бодит жишээ

Сайхантуяа: Эх дэлхийн хайр

Нэг удаа Монгол хэл, уран зохиолын багш маань биднээс хувь хүний шинж чанарыг тодорхойлох асуулга авч билээ. Багш асуугаад бид дор бүрнээ хариултуудаа бичээд байсан хэрэг. Асуултууд хөвөрсөөр...

- Хайрлаж хүндэлдэг хүмүүсээ бичнэ үү?

Би: Өөртөө болон ойр дотныхондоо хайртай гэж бичсэнд А.П.Чеховын бил үү "Дугтуйтай хүн" болохоо шахаад нэг юм мултарсан сан. Яагаад гэвэл бусад хүүхдүүд аав, ээж, анд найзууд, ах дүү хамаатан гэх мэтийг бичээд өөрсдийгөө орхисон байсан.

Тэгвэл би өөртөө бас хайртай. Тухайн үедээ хөөрхий минь эрүүл хоол хэрэглэдэг, эрдэм номдоо хичээдгээ л бодож тэгж бичиж байсан хэрэг.

Гэтэл би сая бодлоо. Би ер нь яагаад өөртөө хайртай байдаг юм бэ гэж? Яагаад хүмүүс өөрсөддөө аль л аятай тухтай, сайхан мэдрэмж төрүүлдэг зүйлсийг сонгож, яагаад бид зөв шийдвэр гаргахыг чухалчилдаг вэ? Яагаад бид бусдаар хайрлуулахыг хүсч, тэдний дэмжлэгт талархдаг вэ? Яагаад өвчин тусахдаа үхэлтэй үзэж таран тэмцэлддэг вэ? Яагаад абортын үед нэг сартай бяцхан хүүхэд соруулах аппаратнаас эхийнхээ савны ханыг даган хэр чадлаараа зугтдаг вэ?

Read more »

Share

Posted in: Сайхантуяа

Томоо: Буурлаас сонордсонг сийрүүлэв.

Балчир: Орчин цагт онгод дээдсүүд хөрстөд их заларч байна. Учир юунд байдгийн бол?

Онгод: За энэ явдлыг та түмэнд ойлгуулахад бэрхтэй юм. Ингэж хэлээд ойлгуулахыг хичээвэл ухах магад. Арга хэмээх эдэнд та түмний бодь эдээр мэдэрч байгаа тэр зүйлсийг билэг хэмээх юманд хий хийсгэлэн зүйлсийг хамруулан ойлгоё. Энэ цагт та түмэн ер элдэвтэй эдийг бултаар нь л бүтээжээ. Аргын эд гэвээс зохилтой юм даа. Тэр тэнгэрт дүүлэн нисэх уналага бүтээсэн л гэнэ. Энэ улаа нэхдэг эд (гар утас), дангаар цуурдаг эд(телевизор) гээд ер шидтэй гэмээр эдийг бултаарыг бэхэлжээ. Гэхдээ алив зүйлс хоёр талтай аль нэгэн эд давамгайлан орших нь үгүй юм. Аргын эринд хийж бүтээх зүйлс туйлдаа хүрэх цагт билгийн эрин эхлэхийн шалгаан болох. Тэнгэрт аливаа юмс хий дүр хийсгэлэн биеээр орших тул тэнгэрийн эрин гэж хэлвэл ч бас дүйнэ. Энэ цаг бол билгийн эрин эхэлж тэнгэрийн эрин эхэлж буй цаг юм. Тэгэхээр тэнгэрийн эрин эхлэхийн цагт нутаг хамаарлын түмэн (Монгол хүмүүс)тэнгэртээ нэн ойр тул отог омог удам бүхэнд уг гарвал дээдсүүд нь онгод болон бууж байгаа юмаа. 

Read more »

Share

Posted in: Гэрлийн Өргөө

2012 оны 12 сарын 21ний өдрийн Морин цагийг хүндэтгэлтэйгээр угтагтун!!!

2012 оны 12 сарын 21ний өдрийн Морин цагийг хүндэтгэлтэйгээр угтагтун!!!

Ганцхан өөрийгөө бодох хэрэггүй чи

Газар дэлхий дээр удам чинь үлдэнэ

Агуу хайраараа бүхнийг ивээгээч

 Алтан наран гийгүүлж амьдрал үргэлжилнэ...Харанга хамтлаг “Хамгийн сүүлчийн” дууны хэсгээс

Энэ нийтлэлийг бичиж эхлэх эсэхээ ихэд эргэлзэн байж шийдсэн билээ. Учир нь би өөрийн нэр болоод нүүрэндээ хайртай нэгэн. Энд бичигдэх бүхэн нэг удаагийн нийтлэлээр олонд ойлгуулчих зүйл биш бөгөөд хэр олон хүн ойлгож сэхээрсэнээр хүн төрөлхтний ирээдүй тодорхойлогдох тул цуврал болгон оруулахаар нэгэнт шийдээд байгаа нь энэ. Үүнийг уншигч та хэн байсан ч заавал уншаарай гэж хичээнгүйлэн гуйя. Өөрөө уншаад зогсохгүй уншаагүй нэгэндээ хэлж, дамжуулж өгнө үү. ХЭНИЙ ТӨЛӨӨ? ЮУНЫ ТУЛД? гэж үү... Та өөрийнхөө төлөө, үр хүүхэд гэр бүлийнхээ төлөө, хайртай бүхнийхээ төлөө, эх болсон дэлхийнхээ төлөө

Read more »

Share

Posted in: Монгол Тэнгэр Үнэн Холбоо

АМ АР блог нээгджээ.

Энэ хуудсыг уншигчдын амрыг айлтгая.

Алдартай байх хицүү юм, од байх хицүү юм гэдэг өөрийгөө магтаж онгироод байгаа ч юмуу гэмээр энэ үгийн илэрхийлэмж нь жаахан онцгүй ч утга санаа нь угтаа ҮНЭН ажээ. Их Эзэн Чингис Хааны улаач Аянга удган блогоо бичиж эхэлснээс хойш 1 жил 3 сар өнгөрч энэ хугацаанд 400-аад нийтлэл бичин түмэн олонд хүргэжээ. Анх блогоо нээхдээ дүүтэйгээ хоёулхнаа байсан бол одоо удганы блогийг дагагч 500-аад мэйл хаяг бүртгэгдэж 260 000 удаагийн хандалт хийгдэж, Аянга Удганы түүхийг, Их Эзэн Чингис хаан хөрстөд залраад өөрийн Улаач Аянга удганаар дамжуулан хэлсэн айлдвар сургаалийг түгээх ГЭРЛИЙН ӨРГӨӨ фэйсбүүк груп, түүний зохион байгуулагдсан хэлбэр Монгол Тэнгэр Үнэн ТББ бий болж Тэнгэрийн Зарлигийг түмэн олонд түгээх Гэрлийн дайчид улс орны хил хязгаараас даван дэлхийн өнцөг булан бүрт бий болж, Тэнгэрийн мэдээг түгээх вэб сайтууд, блогууд олноор тоологдон, үйл ажиллагааны хүрээ хурдацтай өргөжин олныг хамрах болжээ.

Read more »

Share

Posted in: Мэдэгдэл

Хэлсэн үгэндээ ЭЗЭН байг. Хэрхэхийг цаг хугацаа харуулж Хэрхэхийг ТЭНГЭР МЭДЭГ

https://www.facebook.com/groups/mongolianshamanism/ 

Бөө мөргөл групт тавигдсан постыг хүргэж байна

Групт тавигдсан пост комментуудыг элдэв тайлбаргүйгээр хүргэж байна. Баримт болог!!!

Групт тавигдсан пост комментуудыг элдэв тайлбаргүйгээр хүргэж байна. Баримт болог!!! 

Групт тавигдсан пост комментуудыг элдэв тайлбаргүйгээр хүргэж байна. Баримт болог!!! 

Групт тавигдсан пост комментуудыг элдэв тайлбаргүйгээр хүргэж байна. Баримт болог!!!

Групт тавигдсан пост комментуудыг элдэв тайлбаргүйгээр хүргэж байна. Баримт болог!!!

Read more »

Share

Posted in: Гүтгэлэг

Гэрлийн Өргөөний гишүүдийн шүлэглэж хэлсэн мөртүүдээс хүргэж байна

Танхай Балчир
Хондод унасан миний аниргүй цагаан тал
Хорвоогийн хар шуурганы хадан цохиот нөмөр
Хоёргүй их сэтгэлийн магтаалын халуун илч
Хойворгон задгай явдлын хатуу ирт хуурай

Танхай Балчир

Хөх Монголын дээдсүүддээ.
Ээрэм талын дунд тэмтчинхэн байж хайлаа
Энгүй өндөр тэнгэрт сүсэглэнхэн байж хайлаа
Өрлөг их түүхээсээ уншинхан байж хайлаа
Үлдсэн арвин соёлоо уханхан байж хайлаа

Хөлгүй их орчлонд тэсвэрлэнхэн байж хүлээлээ
Хүүшлэх өндөр ууланд бэдрэнхэн байж хүлээлээ
Хөх Их Монголоо сануулан санууланхан хүлээлээ
Хөл алдсан үрсээ бодуулан бодууланхан хүлээлээ
Үлдсэн үдэлсэн хөхүүд уйлалданхан байж уулзлаа

Үлгэр түүх туйлсууд амиланхан байж уулзлаа
Уламжилсан тод тэмдэг эрчимжинхэн байж уулзлаа
Улирсан их үйлээ тамгаланхан байж уулзлаа

Цаглашгүй орон зайд эзэгнэнхэн байж мандлаа
Цаламлах нарийн учгийг тайланхан байж мандлаа
Цагаан бүхний эрчмийг мэдрэнхэн байж мандлаа
Цаад наадхаа бодон эвлэлдэнхэн байж мандлаа

Ерөөлтэй уудам орчлонд хорвоог танинхан хөгжлөө
Егөөтэй олон зонд ертөнцийг ойлгууланхан хөгжлөө
Дээлтэй хөхийн домгийг дэлхий мэдэнхэн хөгжлөө
Дээдийн зарлиг дор тэнгэр буйг таниуланхан хөгжлөө


Undrah Tmg

Гэрлийн Өргөөнийхөндөө зориулав

Үлгэрийг
Амар сайханд нь жаргуулахын тулд
Амаргүй үйлийг хийж барах ёстой
Аливаа зүйл хялбараар бүтдэг бол
Айх айдасгүй жаргаж л байх байсан.

Төдийгөөс өдий хүртэл
Түмэн зовлонг туулан байж
Төрөлх нутгаа алдалгүй
Төвөгт их бэрхшээлийг
Туулж давсан өвгөд буурлууд минь
Тоочиж яншиж эс өгүүлсэн ч

Толгой томт би хагас хугасаас нь
Та бүхэндээ сануулахаар
Тархиндаа нэгийг бодоосой гэж
Тайлбар богинохон нийтлэл
Толилуулж буйг хүлээн авна уу

Гээгдэх цаг ойрхон байна
Гэгээрэх хугацаа богинохон байна
Гэнэн бодлоосоо салаач
Гэтэж буй аюулыг санаач

Тэнгэр Дээдсүүд минь
Тэвдэж буйг ухаараач
Тэнхээрч сэтгэлээ чилээн
Тэвээрэгжин оюунаа тэлээч, АНДууд минь
Тэнгэр Хүү
Удмын нэрээ бүү хөөд

Овог омог нь ямар ч байлаа
Одоо амьдарч буй нь хэн бэ гэдгийг санууштай
Удам судар язгуур гарал чухал ч
Ухаан санаагаа хичээхгүй л бол горьгүй

Өндөр дээдийн гарал угсаатай ч
Өөрөө хэн байх нь хэзээд чухал
Алтан ураг гэдэг цусан төрлийн нэр биш
Алдар гавьяа, хичээл зүтгэлээр олдог нэр

Хааны угсаа байлаа гэмээнэ
Хан ухаанаа хичээх ёстой
Хатдын удам хэдий мөн ч
Хамгаас илүү биеэ хичээх нь ёс байлтай

Удам судар, угсаа гарвал гэдэг
Уралдаж гайхуулах амны зугаа биш
Өндөрт өргөж нэр төрийг нь эрхэмлэн
Үргэлж хичээж мөнхөд мандуулах
Үргэлжлүүлэн залгамжлуулж хадгалах
Үр ачдаа өвлүүлэн үлдээх хариуцлагат ёс

Хамгийн дээд хааны үр ч
Хамгаас эрхэм дээдсийн удам ч
Өндрөөс өндөр заяанд байлаа ч
Өөрөө хэн байх нь л хэзээд чухлыг сана

Удмын нэрэндээ бардаж
Эцгийн нүүрэнд баярхаж
Дээдийн ивээлд омгорхож
Дэндүү мунхаг авирлавал

Өгсөн юмыг авч болдог хойно
Өмөөрч харах Тэнгэр нь хаяна
Өөрөө тэр хэн ч биш болно
Өрөөл тоохгүй булай болно

Удам судар нь голж хаяна
Ухаан мулгуу нь тэр чигтээ үлдэнэ
Өгсөн заяандаа амьдарч чадалгүй
Өндөр дээдсээ гутаасан
Өршөөж болшгүй гэмд унана.

Удам судар нь өндөр сайхан ч
Ухаан мулгуу нь дэндсэн нэгэн
Ойворгон бодол, онгироо зантай
Бодлогогүй хэл, болчимгүй үйлтэй бол

Нуурыг гутаах намгийн мэлхий
Усыг булингартуулах бохир
Мөчиргүй мод шиг хувхай
Мөнгөгүй баян шиг ичгүүр

Эмээлгүй морь шиг дутуу
Эзэнгүй гэр шиг хоосон билээ.
Энэ биеэ чимэх зүйлээс
Эрдэм мэдлэгийг түрүүнд тавих ёс бий

Би өндөр гэж хичнээн хашгиравч
Биеэрээ үзүүлэхээс нааш биелдэггүй номтой
Алив хар гэж хашгирахаас илүүтэй
Айлдах сургааль нь үнэ цэнэтэй байдаг

Үз намайг, бас судал гэхээс илүүтэй
Үйлээрээ бүгдийг харуулвал болдог л номтой


Bayar Och
Гадаад гэвэл диваажин
Гадагшаа гарвал эрх чөлөө юм гэнэ
Газар мод шороо биш
Ганган өндөр барилга сайхан юм гэнэ

Эхгүй хүүхэд шиг царай алдан
Элдэв хар ажилд боолчлуулах нь боловсрол юм гэнэ
Эх оронгүй мэт хүнд гуйлгачлан
Энэ насаа барах нь бахархал юм гэнэ

Монгол эр хүн муудсан гээд
Монхор хамартай шар толгойт нь сайн юм гэнэ
Монгол нутаг минь хоцрогдсон гээд
Мунхаг тэнэг гээд дайжих ёстой юм гэнэ

Эрээн цаасан дээр буусан
Элдэв гоёмсог зураг нь цөм худлаа
Элдэв өвчний үүр болж
Эзэн бие алдан боол болно

Хөгжил соёлын хажууд байлаа гээд
ХӨгийн чи юугаараа ахив
Хөрст дэлхийгээ бузарлах
Хөрөнгө бол эзэн гэдгийг л сураа биздээ?


Үлгэрч Балчир
Хүн бүхний хаа нэгтээ
Хий салхи тээгдэнэ
Хөл толгой, уушиг, зүрх
Хөндий хэсгүүд энд тэнд

Хөлдөө хийтэй нь ойж бууна
Хөнгөн нэгэн нь хөөрөн ниснэ
Хий нь гарахдаа шуугин исгэрч
Хэсэг нэг нь питхийн хагарна

2011/03/07, 20:58 минут.

Sonya Hoida
нүдээ анив сохор болохыг хүсээд тэр
чихээ таглав дүлий болохыг хүсээд тэр
гараа атгав нудрага зангирах тул тэр
хөлөө хавчив хамаагүй өшиглөж магадгүй тул
бүсээ чангалав биеэ барих зориг олохын тул
бодлоо чагнав бэлтгэл ажилд зоригдохын тул
зохигч байлаа гээд зорилготой бол дийлэх л болно
нэхэгч байлаа гээд шалтгаангүй бол хоцрох л болно
шүүгч байлаа гээд шударгуу бус бол үл хүндлэгдэх л болно
хамагийг мэдэгчийн цус буцлавч
хамрын нүхээр нь утаа үл харагдана
хамгийн сүүлд хэлэхэд монголоороо л оршигтун


Tugs Badrakh
Би байвч чи үгүйд өнчин
Чих байвч авиа үгүйд дүлий
Хэл байвч үг үгүйд дутуу
Хөл байвч суугаа үгүйд мунж
Мэргэн байвч дэмч үгүйд худалч
Сэтгэхүй байвч эс шийдвээс сэрэхүй биш
Бодол байвч биелэхгүй байваас зүүд
Чи үгүйд би юу ч биш гэдгийг
Суу зоригийг билэг болгох дэмч
Нэгэн их аялгуу болон олдов Дэмчийн аялгуунаас


Тэнгэр Хүү
Гарчиггүй

Бэхгүй бийр муутуу харлуулж
Бичиггүй нэгэн судар уншиж
Эргүй эм хүүхэд төрүүлж
Эрдэмгүй хүн түшмэл болж уу

Нар мандаагүй байхад тахиа донгодож
Навч цэцэглээгүй байхад хавар ирж
Нялх байхад байхад үс бууралтаж
Намайг амьд байхад ачын ач зөнөдөг хэрэг үү

Адуугүй Адуучин Ард үгүй Хаан
Газар нутаггүй Улс Гар хоосон Баян
Цэрэггүй дарга Цээж үгүй бөгс
Тархи үгүй толгой Тамхигүй хөөрөг
Эцэг үгүй хүүхэд Эрдэмгүй сэхээтэн
Удам сударгүй хүн Уушиг үгүй амьсгал
Сүүдэргүй бие Сүнсгүй амь байх уу?

Далай мэт гүнзгий сэтгэхүйн хажууд шалбааг мэт өчүүхэн билээ эгэл нэгэн.
Даяар олны сэтггэлд бүгдээр нийцэх нь боломжгүйн жишээ билээ энэ.
Эргүүлэгт хорвоо ертөнцөд эзэмших ёстой эрдэм мэдлэг нэн өргөн билээ
Эрх биш сүнс байдаг тул гэгээрэлд хөтлөх зам яавч нэгэн насных биш ажгуу.

Ялаа яаж хөнөөхийг ялтанд заах хэрэг байгаа юу
Ятга яагаад дуугардгийг хөгжимчнөөс асуух хэрэг бий юу
Ухаж ойлгохгүй хүнд ухаан заяасны тус гарах уу
Уншаад мэдэхгүй хүнд бичиг заасны хэрэг бий юу

Хүссэнээ сонсохыг эрмэлзэх нь хүний төрөлхийн зан буюу
Хүслээр болдоггүй хорвоо харин энэ ертөнцийн жам буюу
Хүссэн нэгний тааллаар хорвоо хөдөлдөг бол юу болох вэ
Хүй Ертөнцийн жам ёсондоо захирагдаж орчлон эргэдэг нь юутай зөв

Тэнгэр Хүү
Гарчиггүй мөрүүд 

Өөрөөсөө цаадахыг үл харан
Өөрөө л ганц байгаа мэт сэтгэн
Өрөөл бусдыг дорд үзэж үл хүндлэх нь
Өнө эртнээс эв эвдрэхийн шалтаг болжээ

Орон зайндаа эзэгнэх дөхсөнөө
Огт оргүйд эзэгнэх мэтээр сэтгэх нь
Балчир тархины царааг нь харуулж
Балагт үйл тарихын цондон болдог

Өөрөө эхлээд хэн байснаа, юу байснаа
Өнө Мөнх санаж оюундаа шингээвэл
Гишгэсэн мөрөө эргэн харж, санаж тунгаагаад
Гэгээрч сэхээрэхээс өмнө ямар байснаа санавал зохино

Бусдыг үл хүндлэн сэхүүн аашилж
Буурал дээдсийн ухааныг үл тоох бол
Оюун ухаан нь болоогүйн шинж
Огт бас гэгээрээгүйн төлөв тэр

Тэнгэр Хүү
ӨВГӨД БУУРЛУУД

Өнөө өглөө би нэг Өвгөнг харлаа
Өөвийсөн тэр өвөө мод үүрээд
Салгалан байж автобусанд орж ирэхэд
Санаа тавьж туслах хүн байсангүй

Үрчийж хорчийсон нүүрэнд нь
Өнгөрсөн амьдралын зовлон бичигджээ
Өмсөж зүүсэн хувцас гутал нь
Өөрөөс нь ч дор элэгдэж хуучирчээ

Бээрсэн гараа хөөрхий тэр өвөө дулаацуулахаар
Бээлийгээ тайлаад үрчиж байлаа
Бээвийсэн тэр өвөөг хараад үнэндээ би өрөвдөв
Бэтгэрсэн сэтгэл минь хөндөгдөж өвөөгөө би дурслаа

Өндөрт өргөөд асарч сувилах
Үр хүүхэд, ач зээтэй болов уу энэ өвөө
Өөрөөс нь өөр мод цуглуулаад
Өвлийн хүйтэнд өглөөгөөр явах хүн байгаа болов уу

Ямар үйл хийсэн гэж өвгөд буурлууд
Ясаа ч амраалгүй өөрийгөө зовоон явна вэ
Үйлийн үр нь ямар ч бай
Үр хүүхэд нь хуваалцах ёстой бус уу

Өвгөд буурлуудаа бид ингэж асардаг болсон уу
Өнөө хүмүүнлэг, иргэний нийгэм гэдэг энэ үү
Настан буурлууддаа бид ингэж санаа тавьдаг уу
Найртай сайхан жаргуулах ёстой бус уу

Хөрстөд хийх үйлээ гүйцсэн л баймаар даа
Хөөрхий тэр өвөө юунд ингэж явна вэ
Ач зээгээ тойруулаад
Алаг үрсээрээ хүрээлүүлээд

Хүндлэл хайраар өлгийдүүлээд
Хөөр баяртай жаргаж суух ёстой биш үү
Өвгөд буурлууд үл хүндлэгдэж
Үг сургаал нь үнэ цэнэгүйдэж

Аав ээжээ үрс нь асрахаа больж
Алт мөнгийг тэргүүнд шүтэх
Хар нийгэм гэдэг энэ үү
Харалган болсон нь бидний Монголчууд уу

Ээж ааваа хүндлэх нь
Эгнэгт сахих ёс биш үү
Эцэг өвгөдөө шүтэх нь
Эртнээс Монголын уламжлал биш үү

Шүтээн гэдэг чиний өвөг дээдэс чинь л биш үү
Шүүгээн дээр байгаа шавар баримал юм уу эсвэл
Тэнгэр гэдэг чинь тэртээд орших өвгөдүүд чинь биш үү
Тэр дээр харагдах хөхрөгч огторгуй юмуу эсвэл

Ийм байтал өвгөдөө бид мартах гэж үү
Ичих нүүр, зовох чанар бидэнд үлдэв үү
Амьдад нь жаргааж чадахгүй байж
Алга болсных нь дараа яаж хайрлах гээ вээ

Өвгөн байхад нь асраагүй нэгэн
Өнгөрсөн хойно нь яахин туслах бол
Бодож бүгдээрээ тунгаацгаая
Болчимгүй алдаагаа залруулъя

Ухаан мулгуу үрс нь ийм байхад
Уужуу тэнэгэр өвгөдүүд чинь хайрласаар л байна
Тэнгэрийн орноосоо ирчихээд
Тэмүүлж ухааруулахаар хичээж байна

Хальтирахад чинь түших гэж
Хамаг бүхнээ зориулж байна
Ойчиход нь тулаад авах гэж
Орой үдэшгүй манаж байна

Айхад нь зоригжуулах гэж
Алдахад нь засах гэж
Аврал эрэхэд нь сонсох гэж
Амралт, чөлөөгүй дагаж байна

Өөдгүй нэгнээс өмгөөлж явна
Өвчин зовлонгоос зайлуулж явна
Харагдахгүй хар сүнснээс дайжуулж явна
Хамаг биеийг тань асарч явна.

Бууж суусан ч дагасаар л явна
Бурууг үйлдсэн ч манасаар үлдэнэ
Хулганы нүхэнд орсон үрээ ч хамгаална
Хар муу сүнстэй хайр найргүй байлдана

Тийрэн шүглэсэн газар ч очно
Тэвчиж үрээ дагаж л явна.

Ийм байхад мунхаг бид
Ач тусыг нь хэр мэдэх вэ?
Айлдвар сургаалийг нь хэр санадаг вэ?
Өнгөрөхөд нь буян хэр хийв
Өндөр дээрээс хардгийг нь хэр мэдэв

Бие нь алга болсон ч сэтгэл нь буйг мартав уу
Бэдэрч Тэнгэр дээрээс чамайг хардагийг нь мэдэх үү
Өөрийнх нь оршуулга явагдаж байхад
Өндөр дээрээс харж байдгийг мэдэх үү
Үрс балчир нь гашуудаж байхад
Үргэлж хажууд чинь байна гэж шивнэдгийг мэдэх үү

Алга болчихвол л байхгүй гэж бодно уу
Алтан дэлхийд ганц л амьдарчээ гэж эндүүрэв үү

Одоо бүгд дууссан гэж боддог уу
Орчлон дэлхийд ганцхан ертөнц байдаг гэж
Одо болтол төөрөлдсөөр явна уу
Огоорч ойлголгүй гүрийсээр байна уу

Чамд харагдахгүй ч чамтай зэрэгцээд
Нүдэнд үзэгдэхгүй ч нүгэл буяныг дэнслээд
Хайгаад олдохгүй ч хажууд чинь хараад
Дэлхийд хаана ч зугтсан дээрээс чинь тольдоод

Ивээл хайраа түгээх үү? Эргэж бид төрөх үү
Эсвэл үрсээ шийтгэх үү? Ингэж бид амьдруулах уу гээд
Дээрээс харж байдаг ертөнц бий
Дэргэдээс сахиж байдаг дагуул бий

Хажууд харж байдаг харуул бий
Харин бидэнд харагдахгүй далд Ертөнц энэ байдаг.

Өвгөд чинь ингэдэгт итгэхгүй байна уу
Үзэхгүй л бол үнэмшихгүй гэхнүү
Тэгвэл одоо сонсож бай
Тэвчээр гаргаад чагнаж бай

Хамгаас хайртай бүхэн чинь
Хайраа илгээж буучихаад
Чиний л мэдэх бүхнийг
Чихэнд чинь шивнээд байвал яах вэ

Аав та хоёрын чинь мэдэх үнэнийг
Аймшиггүйгээр зарлаад байвал яах вэ
Сэмхэн шивнэсэн үгсийг чинь
Сэтгэлдээ хадгалж байсан дурсамжийг чинь
Сэргээж яриад эргэж дурсаад
Сэр сэр хийтэл өгүүлээд байвал яах вэ

Өвгөд дээдэс чинь үгүй болоогүй өөдөө болсон юм
Өөрийн биеэ орхиж Тэнгэрт одсон юм
Эмгэд буурлууд чинь бас алга болоогүй
Эргэж төрөх гээд илгээгдсэн юм Тэнгэр рүү

Энэ бүхэн үнэн юм
Эгнэгт хэрэгжих нь жам юм
Оюун санаа нь мөнх юм
Ой санамж нь хэвээрээ юм.

Өвөөгөө хайрлан жаргааж
Эмээгээ энхрийлэн асарч
Өндөр дээдсээ санан
Өөрийн биеэ хичээхтүн

Далд ертөнц оршдогийг мэдэж
Дайчин сүнс байдгийг ойлго
Өвөө эмээ чинь байгааг сана
Өөр Ертөнцөд амьдарч байгааг мэд
Өөрөө бас тэнд очихоо сана
Өрөөлд бас тэрийг ойлгуул

Өвгөдөө сонсохгүй бол
Өөрсдөө бид хэн ч биш
Тэнгэрээс ивээгдэхээ больвол
Тэр жинхэнэ сүйрэл
Тэнгэр Монгол Газаргүй бол
Тэр жинхэнэ гамшиг

Сүнсийг ойлгохгүйгээр Хөх Монгол мандахгүй
Сүүдэр арилахгүй бол бол гэрэл тусахгүй
Хар сүнсийг устгахгүй бол Монгол өөдлөхгүй
Хаан дээдсээ сонсохгүй бол бид мандахгүй

Учир юуг тунгааж ухаан бодолдоо санаж явна уу.
Уужим сэтгэлээр хандаж зүрх сэтгэлээ сонсоно уу

Тэнгэр Монгол Газар
ГЭРЛИЙН ӨРГӨӨНИЙ ШҮЛГИЙН БУЛАН-аас та бүхэнд толилуулав.
https://www.facebook.com/groups/gerliin.shuleg

Read more »

Share

Posted in: Гэрлийн Өргөө,Монгол Тэнгэр Үнэн Холбоо

Хүн төрөлхтөний түүхэн дэх хар сүүдэр болсон тахал

З.Ундрах: Хүн төрөлхтөний түүхэн дэх хар сүүдэр болсон тахал

Дэлхийн хөгжил эрчимжиж, шинжлэх ухааны олон олон нээлт гарсаар байдаг хэдий ч хүн төрөлхтөний өмнө тулгардаг хамгийн хүнд асуудал нь эмчлэгдэхгүй, өргөн хүрээг хамарч байдаг халдварт өвчин, тахал байна. Түүхэнд олныг хамарсан тахал өвчнүүд гарч байснаас маш олон хүний амь насыг авч одсон томоохон тахалуудыг авч үзвэл үүсэл гарал бидний урд хөршөөс үүдэлтэй байгаа нь сэтгэл сэрдхийлгэсэн, хачирхалтай түүх байлаа. Ингээд та бүхэндээ түүхэнд хамгийн өргөн хүрээг хамарч, олон хүний амийг авч одсон томоохон тахалуудын талаарх товч мэдээллийг хүргэе. 

Read more »

Share

Posted in: Ундрах

Цөмийн эсрэг жагсаалд Гэрлийн Өргөө фэйсбүүк бүлхэм оролцож дуу хоолойгоо хүргэлээ

Фэйсбүүкийн Анти Нукляар групээс /http://www.facebook.com/antinuclearmongolia/ зохион байгуулж буй Цөмийн эсрэг багт жагсаал Сүхбаатарын талбайд өнөөдөр буюу 2012 оны 3 сарын 11-нд амжилттай зохион байгуулагдаж өндөрлөлөө.

Тус жагсаал Фукушимагийн Атомын цахилгаан станц дэлбэрсний нэг жилийн ойн өдрөөр зохион байгуулагдаж буй бөгөөд гол зорилго нь Цөмийн Аюулыг ард олонд ойлгуулан мэдээлэл түгээж, цөмийн эсрэг дуу хоолойгоо бүх Монголчуудад хүргэх байв.

Цөмийн эсрэг жагсаалд Гэрлийн Өргөө фэйсбүүк бүлхэм, энэ бүлхэмийн албан ёсны зохион байгуулагдсан хэлбэр Монгол Тэнгэр Үнэн ТББ оролцож дуу хоолойгоо хүргэлээ.

Read more »

Share

Posted in: Монгол Тэнгэр Үнэн Холбоо

Бөөгийн тухай асуултаа илгээнэ үү /энэ нийтлэлийг дахин ачаалав/

Сайн байцгаана уу

Их Эзэн Чингис Хааны Улаач Аянга удганы блогт морилж байгаа зочид та бүгдийн амар амгаланг эрье.  Аянга Удганы дараагийн ном Бөөгийн тухай ном гарахаар бэлтгэгдэж буй бөгөөд блогт зочилсон та бүхэн бөөгийн тухай мэдэхийг хүссэн асуултуудаа tengermongolgazar@yahoo.com хаягаар илгээнэ үү.

Read more »

Share

Posted in: Бөө