Мөнгөнсар: Гэрлийн Өргөөнийхэнд мэндчилж байна

Амгалан байцгаана уу ГЭРЭЛТ ГЭРЛИЙН ӨРГӨӨНИЙXЭН минь 

Аянгат удганы xүчээр энэxүү гайxамшигт өргөөнд морилон орсондоо иx баxарxалтай байгаа... буруу зөрүү юм бичиж будилаx бий дээ гэxээс эмээн xундэтгэж байгаа шүү. Өөрийн бодлоо бичиx гэсэн юмаа xүнсний xудалдаа xийгээд олон жил болсон болоxоор чипс коко кола зайдас набор гээд xаанаxаа ч мэдэxгүй xэдxэн үгтэй ярьж чадаxгүй шаxам болсон байлаа ЦОГЛОГ МОНГОЛЧУУД маань гайxалтай гайxамшигтай БОСОО цацрагтай НАРАН ЭЭЖийн зураг аваад байxаар нь ЗАЛУУ ЖАВXААТАЙ насныxаа зурвасxан үеийн дурсамжийг бичиx гэсэн юмаа 

АЯНГА удганы ЭНГИЙН мөртөө ЭГЭЛГҮЙ энгийнээр бичсэн баxарxалуудыг уншаад xэдэн өдөр салж чадаxгүй онигор бүлцэн нүдээ онийж бөлцийтэл нь уяраад л уйлаад л ДЭЭДЭС МИНЬ ээ гээд бодонгуут л xайлаад л ЗҮРX СЭТГЭЛ ээ xөвсөлзтөл хөөрөөд амаараа гартал xайлан суулаа /энд анx орсон xүмүүст уйлаагүй өнгөрсөн xүн байxгүй шинжтэй дэг ээ// XҮҮXДҮҮД маань ээжээ бид өлсөөд байна гэж билээ. 

Read more »

Share

Posted in: Cэтгэгдлүүд,Баримтууд бодит жишээ

Фэйсбүүк хуудас нээх заавар

Гэрлийн Өргөө бүлхэмд хэрхэн нэгдэх тухай видео заавар үзнэ үү. Груют орох хүсэлтэй ч фэйсбүүк ашигладаггүй хүмүүст зориулав.

Read more »

Share

Posted in: Заавар

Алтаннавч: Аянга удгантай холбогдсон түүх

Тѳрд хэрэгтэй зайран гэж кинонд дээрээс харж байсан, бас Хүрэл чулуун зүрхтэнгүүд гэж айлгаж харааж байгаа нь мэдэгдэхгүй үсэрч буусан хүмүүс байдаг гэснээс бусдаар Бѳѳ гэгчийн тухай ямар ч ойлголтгүй ѳссѳн социализмын сүүлийн үеийн бүтээгдхүүн билээ би.

Яаж яваад хэрхэн энэ бүлэгт нэгдэх болсноо эргэн санах гэтэл зѳндѳѳ урт түүх болох юм байна даа. Гэхдээ бусад хүмүүсээс ялгаатай нь үр дүн нь тэдний үзсэн шиг гайхалтай мэдрэгдэхгүй л байна. Магадгүй цаг нь болоогүй, эсвэл ѳѳрийн минь хичээл зүтгэл дутсаных ч байж болох. За алин ч байлаа, ѳѳрийн түүхээ аль болох товчлон хүргэе, та бүхэнд таалагдахгүй байж болох тул ид шидийн тухай түүх хайсан хүмүүс уншихгүй байхыг зѳвлѳе.

Read more »

Share

Posted in: Cэтгэгдлүүд,Баримтууд бодит жишээ

Чинбаатар: Аянга удганд яагаад итгэсэн бэ?

Аянга удганд яагаад итгэсэн бэ?

9 сарын дундуур байх аа интернэтээс бөөгийн талаар юм үзмээр санагдаад байхаар нь youtube ээс  бөөгийн буултын бичэгүүдийг үзэж байгаад  Мөнхгэрэлийн хаантай ярьсан бичлэгийг үзээд Хаан мөн байна гэдэгт шууд итгэсэн. Юунд нь итгэсэн бэ гэхээр амнаас нь гарч байгаа үг болгон худлаа гэх нэг ч зүйл байгаагүй болохоор итгэсэн. 

Дараа нь удганы Нарны гэрэлтэй ярьж байгаа бичлэгийг үзсэн. Тэгээд нарны гэрлийн яриа нь шууд сонсогдоод байгаа юм байх даа гэж бодоод гайхаж байлаа.  Дараа нь блог уншиж байгаад удганг хотын гудамжаар бөөлөөгүй явж байхдаа ч Хааны сүнсийг биедээ оруулан Хаан өөрөө удганы хоолойгоор ярьж удган ч бас өөрөө ярьж чаддагийг олж мэдсэн. Блогийг нь уншиж байхад үлгэр уншиж байгаа юм шиг л гоё санагдан хэдхэн хоногийн дотор ихэнх бичлэгийг нь уншсан даа. Заримдаа блогийн бичлэгийг уншиж байхдаа уйлна, инээнэ, монгол үндэстнүүдээрээ  бахархна гэх мэтээр янз бүр болдог байлаа. 

Блогоос шинэ бичлэг хүлээж сууж байгаад “Амар амгалан уу Монголчууд аа” гэсэн 10 сарын 3 ны өдрийн бичлэгийг гарсан даруйд нь олж уншин Хаантай уулзах тухай дуулаад  Facebook ийн Чингисийн Монгол Бүлхэмд  орсон билээ. Ингэж л би Чингисийн Монгол Бүлхэмд орсон доо. Орсон даруйдаа л Хаантай уулзах уулзалтанд ирэх хүмүүсийн нэрсийн жагсаалтанд нэрээ бичүүлээд их л баяртай байлаа. 10 сарын 6 ны өдрийг тэсч ядан хүлээн тэр өдөр юу болох бол гэж их бодсон. Хаантай уулзсныхаа дараа сэтгэгдлээ бичээрэй гэсэн Хааны захиасыг биелүүүлэн маргааш нь болох 10 сарын 7 өдөр доорх бичлэгийг блог нээж бичлээ.

Read more »

Share

Posted in: Cэтгэгдлүүд,Баримтууд бодит жишээ

Ангараг: Аянга удгантай холбогдсон түүх

Миний бие одоогоор гадаадад сурдаг оюутан бөлгөө. 2010 оны сүүлээр би монголд түр очих хугацаандаа санамсаргүй нэгэн бөө охинтой таарлаа. Тэгээд миний тухай түүний хэлсэн хэдхэн өгүүлбэр л надад маш ихээр сэтгэгдэл төрүүлсэн. Би урьд нь бөө удган гэдэг үгийг мэддэг байсан ч тэд чухам яг юу хийдгийг нь мэддэггүй байлаа. Тэр үеэс хойш би монголдоо биш болохоор интернэт дэх мэдээллийн сайтууд дахь бөөгийн тухай мэдээ мэдээлэл, Тэнгэрийн цаг нэвтрүүлгийн бүх дугаарууд, бөөгийн блогууд, сайтууд, бүр тэр бүхний доорхи хүмүүсийн сэтгэгдлүүдийг уншдаг боллоо. Үүнтэй холбоотойгоор миний эх орноо, эх түүхээ гэсэн сэтгэл минь омогшин түүхээ ч уншиж судалж эхэллээ.

Read more »

Share

Posted in: Cэтгэгдлүүд,Баримтууд бодит жишээ

Эрдэнэ: Хаантай уулзсан тэмдэглэл

Хаантай уулзсан тэмдэглэл

Пүрэв гараг 2011.10.06

Бид, “Чингисийн Монгол” бүлгэмийнхэн анх удаа 2011.10.06-нд Тэнгэр удган Аянга болон Эзэн Чингис хаантай “Skype” ашиглан уулзсан юм. Миний хувьд энэ өдөр өглөөнөөс авахуулаад л сэтгэл санаа өөдрөг сайхан байсан ба Тэнгэрийн улаач Аянга Удгантай, Эзэн Чингис Хаантай, фейсбүүк дэх санаа нэгт андуудтайгаа сэтгэл догдлон уулзсан сайхан өдөр билээ.

Үйл явдлын тэмдэглэл:

Намайг цагаасаа жоохон хоцрон 18:45-н үед очиход үүдний өрөөнд 10 орчим хүн /фейсбүүк дэх танилууд/ өрөө тойрсон буйдан дээр сууцгааж байсан. Тэдний ихэнхи нь хажууд талын интернеттэй өрөөнд орж заслаа хийлгэж гарч ирээд сууцгаасан нь тэр байлаа. Хоцорч ирсэн бид хэд ээлжээ хүлээнгээ “Зүрх хайрхан” болон “Тэнгэр Монгол Газар” үгийн тухайн ярьж амжсан. Харин энэ үеэр хажууд талын өрөөнд зарим гишүүд маань Аянга Удгантай Скайп-аар харицан заслаа хийлгэж байсан ба тэр өрөөнөөс үе үе хүний огьх чимээ гарч байлаа. Уулзалт болохоос өмнө бидэнд энэ талаар анхааруулж байсан ба миний ойлгосноор сүнсэн бие нь бохирдсон тохиолдолд заслын үед бөөлжих, хөлс цутгах, гар хүйт даах зэрэг мэдрэмж төрж болохыг сануулан ууттай ирэхийг захисан. 

Read more »

Share

Posted in: Баримтууд бодит жишээ

Цогтбаатар: Их Эзэн Хаантай уулзсан тэмдэглэл

Тэмдэглэл

 “Их Хаантай уулзсансан бол...” гэж бусдын адилаар мөрөөдөж өссөн надад түүх, угсаатан, соёл, шашин шүтлэгт үргэлж сонирхолтой байдаг байв:

Уулгалан донсолгож байсан

Ухаант өвгөдийн үрс

Уруудаж доройтох болсон

Учир шалтгааныг хайж

Ухаарч эхэлсэн цагаасаа л

Өмнөх түүхийг эрэн

Үнэн худлыг ялгах гэж

Үзэж мэдсэн бүхнээ

Үргэлж эргэцүүлдэг байж билээ

Худал үнэнийг ялгахгүй

Хадуурч эндүүрч бодсон ч

Хэмжээндээ л би тунгааж

Хэрэндээ л би ойлгож

Өндөр Гэгээний үндэсэлсэн

Монголын Буддын Шашинд

Итгэж сүсэглэн биширсээр

Өдийг хүрсэн билээ

Read more »

Share

Posted in: Cэтгэгдлүүд,Баримтууд бодит жишээ

Ундрах: Хайрлавал хайрлана

З.Ундрах

2011-11-12

Хайрлавал хайрлана

/Шив шинэхэн хүний сэтгэгдэл болохоор буруу,

зөрүү бодсон, бичсэн зүйл байж магад тул

залруулж тунгаан уншиж болгоогоорой./

“Хүн яагаад төрдөг, хаанаас ирдэг, Хүн үхэхдээ хаашаа явдаг вэ?” гэсэн асуултуудад хариулт олох гэж хирэндээ л хичээж, бас “Огторгуй хязгааргүй л гэх юм, хязгааргүй гэдэг ойлголтыг яаж төсөөлөх вэ?” гээд л өөртөө олон олон асуултыг тавьж ирсэн. Хүн үхтэлээ суралцдаг гэдэг шиг би өөртөө үхэх хүртэлээ их л олон асуулт тавьж, “Хүмүүс яагаад бие биенээ үзэн яддаг хуурдаг, яагаад бие биенээ алдаг, дэлхийн улс орнууд яагаад хоорондоо өрсөлддөг, яагаад том улс нь жижиг улсаа залгиад байна вэ?” гэх мэтчилэн өөрийнхөө сэтгэлийг шаналган <<Төрийн төлөө оготно боож үхэх>> гээд л явах бололтой.

Нострадамусын зөгнөл дэх Чингисийн хөх цэргийг хүн бүр өөр өөрийнхөөрөө тайлдаг байх, би хувьдаа үүнийг одоогийн төрөөд байгаа бөө нар байх гэж тайлдаг. Учир нь Эзэн Хааны минь үед Монгол улс нэгдэн заяа нь тэгширч, олон буян бүтээсэн болохоор Хаан өөрөө, Хааны жанжин, түшмэл, цэргүүд нь тэнгэрт заларсан байгаад одоо тэнгэрийн үүд нээгдэх үед буцаж Монгол улсаа төвшитгөн, түмэн олныхоо заяа буянг тэгшилэх гэж ирж байгаа болов уу. Мэдээж сайн юманд саар мундах биш хуурамч бөө, бөөгийн сүлжээ гээд л төөрөгдүүлэх “золигнууд” байх юмаа.

Read more »

Share

Posted in: Cэтгэгдлүүд,Баримтууд бодит жишээ

Сайхантуяа: Чингисийн Монгол гэрээ олсон минь

Сайн байцгаана уу. Эрээн цаасан дээрх энэхэн учрал та бидэнд тохиох агшны мэндийг уламжилъя. Би бээр Тэнгэр, Нар, Сар, Дэлхий ертөнцдөө сүсэглэгч эгэл нэгэн хүмүүн билээ. Хорвоогийн юм бүхэн хүүрнэх түүхтэй гэнэм. Магадгүй тэр бүх түүхүүд нэгдэн зангилагдаж ирээдүйг бүтээдэг байх. Иймээс л үйл явдал бүр хоорондоо холбоотой, тиймээс л учиргүй юм гэж байдаг үгүй байх нь.

Амьдралыг үзэх үзэлд минь гайхамшигт нөлөөг үзүүлж, өөрийн эрхгүй сүсэглэдэг байсан боловч, учир ухааныг нь энтэй ч гүнзгий ойлгодоггүй байсан Эх Байгалиа шүтэх сэтгэлгээг минь хүчтэй хөгжүүлж чадсан, миний л хувьд дэндүү аугуу бас азтай гэмээр одоо өгүүлэх гэж буй энэхүү түүх маань ачит Аянга Удган, түүний тусламжтайгаар Эзэн Хаантай, Чингисийн Монгол БүлХэмийнхэнтэйгээ учирсан тухай юм.

Read more »

Share

Posted in: Cэтгэгдлүүд,Баримтууд бодит жишээ

Пүрэв: Эзэн Хаантай уулзсан минь

Дэлхийн түүхэнд өнөө ч гараагүй их эзэнт гүрнийг байгуулсан өвөг дээдэсээ мэддэг болсон цагаас хойш надад аугаа их итгэл найдвар төрсөн юм. Тэр итгэл найдварын минь хариу болж надад ирсэн зүйл 2011 оны 10 дугаар сарын 6-ны өдөр буюу Чингис хаантай уулзсан явдал юм. 

Энэ өдөрөөс хэд хонгын өмнө тэнгэр удган хаантай анх уулзсан Мөнхгэрэлтэй блогоор нь дамжуулан харьцаад Чингисийн монгол facebook групд орсон юм. Тэр өдөр хаантай уулзна гэж бодоогүй удганаар засал хийлгэнэ гэж ойлгоод намайг жоохон хоцроод очиход хориоод хүн цугларсан жигиг өрөөтэй байсан учир хуваагдаж ороод эхний хүмүүс заслаа хийлэгсэн байв 

Read more »

Share

Posted in: Cэтгэгдлүүд,Баримтууд бодит жишээ

Т.Мягмардорж: Аянга удганаар засал хийлгэж их эзэн богд Чингис хаантай уулзсан түүх

Аянга удганаар засал хийлгэж их эзэн богд

Чингис хаантай уулзсан түүх

Амар амаглан байн уу? Та бүхэнд  эзэн богд Чингис хаантай уулзсан түүхээ товч өгүүлье. Магадгүй та бүхэн намайг юун Чингис хаан юун илий балай үлгэр яриад байна гэж бодож байгаа байхалдаа.Би бол жирийн л нэг оюутан  надад бусдад худлаа яриад бусдыг төөрөгдүүлээд байх шалтгаан үгүй билээ.Зөвхөн энэ үнэн энэ тэнгэр гэдгийг олон хүмүүс ойлгож мэдээсэй л гэж хүснэм.

Би бага байхаасаа л  бурхан,буг чөтгөр,сүнс гээд л далд ертөнцийн талаар сонирходог байсан санагдана. Бүх шашныг өөрийнхөө хэмжээнд л сонирхдог байв.Тэд бүгд нэг уулын оргил руу тэмүүлнэ гагцхүү уулын өөр өөр замаар гарч байгаагаараа л ялгаатай өөрөөр хэлбэл бүх гол далайд цутгадагтай адил гэж номноос уншиж байсан нь хэзээ ч мартагддагүй юм .

Read more »

Share

Posted in: Cэтгэгдлүүд,Баримтууд бодит жишээ

Мөнхбат: Аянга удгантай холбогдсон түүх

Анх би Удганы блогд мэдээ уншиж байгаад орж таарсан. Залуу.сом-д Бөөгийн хооллолт буюу Ертөнцийн эрчим хоол гэсэн нийтлэлийг уншсан бөгөөд юу ч ойлгосонгүй боловч их л сонирхолтой санагдаад эх үүсвэрийг нь хайсаар Удганы блог руу яваад орчихвоо. Удганы блогт байгаа түүхүүд, өдрийн тэмдэглэлүүдийг уншиж эхлээд удаагүй байхдаа одоо бидний дарга гэж нэрийдэх болсон Мөнхгэрэлтэй “Нүүрном”-ын чатад таараад хэсэг чатлав. Даргыг хариу өгөхгүй болохоор нь блогоос уншсан үг болох тийрэнг ашиглаад, яагаад хариу өгөхгүй байна, би уг нь өөрийгөө тийрэнтээгүй гэж бодож байна гээд л аваад хаячихсан чинь нөгөөх маань, Би хэнийг ч тийрэнтсэн гэж хэлээгүй гээд их нухацтай, эсвэл ууртай /хэхэ/ хариу өглөө. Тэр үед би яагаадыг мэдэхгүй, энэ далд ертөнцийн сайнаар ч бай, муугаар ч бай тоглоом хийгээд хэрэггүй юм гэж ойлгох шиг болсон.

Read more »

Share

Posted in: Cэтгэгдлүүд,Баримтууд бодит жишээ

Хойд: Миний амьдралд тохиолдсон хамгийн том нууц

Та бүхэнд энэ өдрийн мэндийг хүргэе.

Миний Аянга удгантай анх холбогдсон түүх бараг л бага хэмжээний зохиол шиг адал явдалтай. Эхлээд өөрийн амьдарлаа бичихгүй бол удгантай холбогдсон нь миний хувьд ямар чухал байсныг хүмүүс сайн ойлгохгүй байхаа.

2008 оны 6 сард би бие давхар боловч ажил үйлс бүтэхгүй нөхөртөйгээ байнга муудалцсан нэгэн амьтан аргагүйн эрхэнд найз охиныхоо очдог өвөө дээр засал хийлгэхээр очлоо. Тэр бол миний анх уулзсан бөө буюу дархад гаралтай зайран хүн байсын. Тухайн үед би бөө гэж ямар ч ойлголтгүй байсан болохоор зөвхөн их хатуу засал хийж хараал ерөөл хариулдаг гэж сонссон болохоор өөртөө хараал байж магадгүй гэж бодоод л очиж байсан нь тэр. Тухайн үед зайран надад танай эхийн талаас угтай юм байна чи уг барих хэрэгтэй бүр боломгүй бол сэтэрлээд тахихгүй бол болохгүй гэж хэлэхэд надад их л сонин санагдаад ээжээсээ энэ талаар асууж сурагласаар нэг өндөр уулын нэртэй онго ээжийн талд буудаг байсан хонь сэтэрлэдэг саяхан хүртэл буудаг байсан гэж сонссон юм. 

Read more »

Share

Posted in: Cэтгэгдлүүд,Баримтууд бодит жишээ

Д.Жавхлан:ТЭНГЭР МОНГОЛ ГАЗАР

Сайн байцгаана уу? Та бүхэнтэй энэ мянганы үнэт өв болон үлдэх хосгүй бүтээлд өчүүхэн зайг эзлэн уулзаж байгаадаа баяртай байна.

Би Монголоосоо хол амьдарч байгаа болохоор өдөр бүр интернетэд орж Монголын сонин сайханг уншдаг юм. 2011 оны 09 сарын эхээр www.zaluu.com сайт дээр байсан санагдаж байна,ЭЗЭН БИ ЭРГЭН ИРЛЭЭ гэсэн бичлэгийг уншаад гайхах,баярлах,бахдах сэтгэл төрсөн. Тэрнээс хойш Удганыхаа бичлэгийг байнга уншдаг боллоо. ТЭНГЭР МОНГОЛ ГАЗАР үгээ хэлж,сүүгээ ууж НАРны зургийг авахад НАР гайхалтай гэрэл,туяа цацруулж байгааг хараад өөрийн эрхгүй маш их догдолж баярласан. Энэ талаар гэрийнхэн,найз нөхөддөө хэлэхэд сайн ойлгож хүлээж аваагүй. Нэгэн өдөр зориг гарган АЯНГАТ удгантай холбогдлоо. ХААН цуг байгаа гэж бодохоор аймар ч юм шиг гоё ч юм шиг эхлээд сандраад ХААН,УДГАН хоёртой олигтой мэндэлж ч чадаагүй,сандарсандаа буруу зөв товч дараад будилж өгсөн. Тэгж тэгж Удгантай нэлээн олон зүйлийн талаар нэлээн удаан ярив. Тэгэхэд би Удганыгаа хэчнээн энгийн сайхан эмэгтэй гэдгийг нь мэдсэн юм.

Read more »

Share

Posted in: Cэтгэгдлүүд,Баримтууд бодит жишээ

Ганхуяг: Төрөл арилжсан минь

Намайг Урианхайн Ганхуяг гэдгээ. Би бурхан, чөтгөрт ч итгэдэггүй,социализмын тогоонд чанагдсан архи дарс хүртдэг, агсан согтуу тавьдаг, авгай хүүхдээ зовоосон, арчаагүй ажилгүй,хэнэггүй нэгэн байсан. Энэ оны 9 сард өөрийн отог омгийн улаачийнхаа бөөлөөнд очоод, үнэнхүү гайхамшиг гэдгийг нүдээр харсан билээ. Оччихоод урд шөнө нь архи ууж хоночихоод, тийм л шүтлэггүй байлаа. 

Манай өвөг, эмэг буурлууд өмнө нь аавыг хүлээн авалтнаас жаахан үнэртүүлээд очиход, өмхий заваан юм хэрэг лэв гэж загнаж байсан гэнэлээ. Мэдээж өглөө гэхэд үнэр нь гараагүй байж л таараа. Гэтэл буурлууд маань юун загнах мантай, хүрээд ирдэг овоодоо гээд, тэвэрч авч уйлалдаад сүйд болцгоов. Тэгээд мааны мандан бадрах цаг ирж байна. Бор дарснаас холд, бодол оюунаа цэгцэл, үйлээ одоо эхлэхгүй бол оройтох нь байна гэж хэлсэн юм. Тэгээд би бөөг судалж, ядаж анхан шатны мэдлэгтэй болж авахаар шийдсэн байлаа. Нэгэн өдөр хүүхдүүдээрээ заалган интернет гэгчээр аялж явахдаа, Аянгат удгантай огт санамсаргүй тааралдаж,харилцан,сайдаж муудан, засал хийлгэхээр болж билээ.

Read more »

Share

Posted in: Cэтгэгдлүүд,Баримтууд бодит жишээ

Бүжин: Аянга удгантай холбогдсон сэтгэгдэл

Анх youtube дээрээс Хааны хэлсэн үгийг олж сонссон юм. Тэр үед би бөөгийн талаар ямар ч ойлголтгүй байсан бөгөөд хэн нэгэн нь тоглож байна л гэж бодсон. Гэхдээ яах гэж хүмүүс ингэж Хааны нэрийг барьдаг байна аа гээд л блог руу орж уншсан. Ямар нэг зүйлийг шүүмжлэхээсээ өмнө тэр зүйлийнхээ талаар өөрөө мэддэг байхгүй бол болохгүй шүү дээ. Тэгээд л анх Удганы блогтой танилцаж билээ.

Бөөгийн ерцөнц хэмээх нь миний хувьд цоо шинэ зүйл байсан бөгөөд маш сонирхолтой санагдан эхнээс нь авахуулаад л үлгэр уншиж байгаа мэт л уншиж өгсөн. Бага байхын л би яагаад хүн болоод төрчихөв өө, үхээд яадаг бол, хүн болж төрөхөөсөө өмнө би хаана байсан юм бол гээд л толгойгоо гашилгатал боддог байж билээ. Даанч бодоод бодоод хариултыг нь олж чадаагүй эдгээр зүйлсээ би тэндээс олж авсан юм.

Read more »

Share

Posted in: Cэтгэгдлүүд,Баримтууд бодит жишээ

Байгалмаа: Бүх бие халуу дүүгсэн өдөр

2011 оны 09-р сарын эхээр Аянгат удганы блог, Чингисийн Монгол групт нэгдсэн. Мөнхгэрэлийн хөтөлдөг Дуулийн блогоос анх эх сурвалж авсан санагдаж байна.

Аянгат удганы блогыг он сарых нь эхнээс уншиж эхэлсэн. Уншаад бүх зүйлд нь итгэсэн. Найз нөхөд таньдаг мэддэг хүмүүстээ дуулгахыг хүссэн. Мэдээлэл өгсөн гэвч хэн нь ч надтай нэгдээгүй ээ.

Ээж маань өмнө нь надад Чингис хаан бууж ирсэн гэнэ лээ гэж 1 удаа хэлж байсан. Удалгүй энэ бүхэнтэй учирсан учир  эргэлзэх шалтгаан байхгүй билээ.

Өмнөх бөөгийн тухай миний мэдлэг: Удмых нь өвөө эсвэл эмээ бууж ирээд үрстэйгээ уулздаг, засал хийдэг, энд тэнд тахилга тайллага хийдэг, ямар нэгэн шувуу дагаж явдаг, уулзахдаа мөргөж сөгддөг, хажууд нь элдэв хангай юм бодож болдоггүй, буруу зүйл хийвэл сураар ороолгуулдаг гэсэн мэдлэгтэй л байлаа.

Read more »

Share

Posted in: Баримтууд бодит жишээ

Ариунзаяа: Сэтгэгдэл

Ээж явахаасаа өмнө ах бид 2-ыг Хаантай уулзах ховор боломжийг Мөнхгэрэл ах, Аянга удганаас зөвшөөрөл авч өгсөн юм.

Уулзалтанд хэрэглэх юмсыг бичиж үлдээсний дагуу ах бид 2 бэлдэж аваад Багшийн Дээд рүү алхан, замдаа нэг эгчээс лавлаж байгаад Flamingo Tower-г олж, хоцролгүй бушуухан 604 тоотод ороод, 20-иод хүмүүс байсныг ажиглахад, ерөнхийдөө залуучууд байлаа. Бодсоноос минь илүү энгийн, их цоглог, уужуу тайван, ухаалаг нүдэнд дулаахан хүмүүс шиг санагдсан. 10аад минут болсны дараа Мөнхгэрэл ах бид нарыг хувааж, эхний хүмүүсийг засал хийлгэхээр нэг лаптоп нэг камера тавьсан жижиг битүү өрөөнд оруулав.

Биднийг байраа олж, сүү идээгээ бэлдэж тавихад, Аянга удган холбогдож заслаа эхэлцгээв. Бүгдээрээ дор дороо Тэнгэр Монгол Газар үгээ хэлж, дор дороо биеэ ажиглав. Миний зүрх хурдан хурдан цохилж, догдлоод, биеэр халуу дүүгээд сайхан дулаан мэдрэмж төрсөн.Аянга удган “Толгой нь өвддөг хүн байна уу?” гэж асуухад хэн ч дуугарсангүй. Миний толгой өвддөг ч яг тэр үед өвдөөгүй байсан болохоор санаанд ч орсонгүй. Дараа нь шанаагаар нь ч юмуу гэхээр нь өө тэгвэл би биш юм байна гээд өнгөрөөсөн. (Гэхдээ дараа нь өвдөөд байсан тул ээжийгээ ирэхээр удгантай холбогдож засал хийлгэж өвчнөөс салсандаа маш их баярлаж байгаа билээ.)

Read more »

Share

Posted in: Cэтгэгдлүүд,Баримтууд бодит жишээ

Алтаа: Аянга удгантай хэрхэн холбогдсон тухай

Алтан судрын талаар мэдэхээсээ өмнө би бөөгийн тухай маш багахаан хэмжээний ойлголттой, бөө гэдэг чинь хөвсгөлд л байдаг хүмүүс гэсэн ойлголттой явдаг хүмүүсийн нэг байлаа. Манай нэг найз бөөд үзүүлсэн чинь долоон булчирхайг нь тоочоод шал дэмий засал хийхгүй байж болохгүй бүтэхгүй юмнуудыг нь хэлээд сэтгэл санаагаар унагацан гэж ярьж байсныг нь сонсоод “хоёрын хооронд засал хийхгүй байж яах гэж үзэж хардын” ухааны юм бод ож байсын тэр үедээ. Аянга удганы блог руу орж үзэхээс өмнө З.Бат -Отгоны 50 цуврал лекцийг сонсож дуусгаад бөө хүний тухай, 13-р зууны монголчуудын гэгээрэл боловсролын талаар нилээн сайн бодит мэдлэгтэй болсон байлаа. 50 цуврал лекцийг сонсож байхад өнөө үеийн тухай маш оновчтой дүрсэлсэн зөгнөлүүд, энэ үед томилох элчийн тухай ярьсан нь миний сонирхлыг маш их татсан. Тэгээд ерөөсөө энэ зүгийн юм сонирхож байгаагүй хүн чинь зөгнөл, элчийн тухай мэдээлэл нилээн уншдаг болсон байлаа.

Read more »

Share

Posted in: Cэтгэгдлүүд,Баримтууд бодит жишээ

Бямба: Аянга удгантай хэрхэн холбогдож, ач тусыг нь хүртсэн тухай

Би бүр багаасаа л монгол хүн гэдэг бусдаас өөр гэдэгт итгэдэг, цаанаасаа л үндсэрхэг байсан мөртөө яг бас юугаараа бахархаж, юугаараа омогшоод яваагаа сайн мэддэггүй байлаа. Гадаадуудад ядуу, дорой буурайгаараа дуудуулаад явах сайхан санагддаггүй байлаа. Сөргөөгөөд хэлэх үг байдаггүй, үнэхээр бодит амьдрал дээр бид юугаа ч мэдэхгүй, бүх л юмаа заалгаад л, гадаад хүн л хэлбэл туйлын үнэн юм шиг гадны хүмүүсийн утсан хүүхэлдэй шиг арчаагүй байдаг байсан юм чинь.

Миний өөрийн ажил амьдрал ч хүссэнээр болдоггүй, нэг л биш санагдаад үзмэрч янз бүрийн хүмүүсээс дамжуулж асуулгадаг ч бодитой хариу авч чаддаггүй байлаа. Нэг л хар хүчний ч юмуу өмнө хүчин мөхөсдөөд байх шиг, нэг их гүн нүхэнд уначихаад гарч чадахгүй байгаа юм шиг сэтгэгдэл төрөөд байсан ч, харийн нутагт би юугаа ч хийж чадах вэ дээ. Дэмий л сэтгэл зүйч дээр очсон ч энэ асуудлаасаа гарч чадаагүй юм.

Read more »

Share

Posted in: Cэтгэгдлүүд,Баримтууд бодит жишээ